Hunermenda Kurd Dilber Doskî, piştî ku karî bi strana Mîro navdariyê bidestve bîne, niha berhemeke nû ya bi navê Ez Evîndar im amade dike.

Dilber ji Rûdawê re ragihand: “Piştî ku pêşwaziyeke pir baş li strana Mîro hat kirin, min biryar da berhemeke nû bi qalîteyeke baştir tomar bikim, niha min dawî li straneke duet ligel hunermend Hesen Emîn aniye û em bi klîpkirina vê stranê ve mijûl in.”

Strana Ez Evîndar im, ji awazên Hesen Emîn e û karê dabeşkirina muzîkê ji aliyê Îmad Elî ve hatiye bicihkirin: “Pêşbînî dikim ev berhema min serkeftineke baş bidestve bîne, ji ber ku kar bi awayekî profesyonel li ser hatiye kirin.”