yekem festîvala çiyayê Şingalê li bajarê Şingalê hate gêran
tê çaverêkirin bo demê du rojan ya berdewam bît û jimareka zora çalakî û bizavên cora û cor têda bihêne pêşkêşkirin.
Festîval li bin dirûşimê çiyayê Şingal serekaniya resenatî û xebat û xweragiryêye ji layê wezareta rewşenbîrî û lawan, rêveberiya giştiya rewşenbîrî û hunerî û werziş û lawan li parêzgeha Duhokê ve hate gêran û bingehê wî û senterê Roj Zeradeşt û senterê Şingal yê rewşenbîrî û herdu tîpên Şingal yên mûzîk û şanoyê û herdu tayên bingehê Laliş li Şingal û sinonê bi serperştiya rêveberiya senteran û tîpên hunerî ve têda pişikdarbûn.
Di birga êkê da çend peyv hatine pêşkêşkirin û têda amaje bi resanatî û dêrînî ya devera Şingal û astê berzê hunermend û rewşenbîrên vê deverê û giringiya piştevanîkirina wan tîp û senter û behreyan ji layê hukmeta herêma Kurdistanê ve hate kirin.
Bernameyê herdu rojên festîvalê yê pire ji simînar û rûniştinên hizirî û rewşenbîrî û pîşangehên karîkatorî û şêwekarî û şanogerî û konsêrtên hunerî û stiran û mûzîkê û dupat kir ku roja duyê ya festîvalê dê rê û resim li bajêrkê sinonê bihêne gêran û diyar kir ku hemû pêdivî yên festîvalê ji layê wezareta rewşenbîrî, rêveberiya giştiya rewşenbîrî û hunerî û werziş û lawan li parêzgeha Duhokê ve hatîne dabînkirin.
Rojnama war
