Roja pêncşemê serokê Rûsiyê Vîladîmîr Putîn got beriya ku di jiyana xwe de li keseke din bigere ku bibe hevsera wî, lazime berê mêrekî ji bo hevjîna xwe ya berê bibîne.

Serokê Rûsiyê di bersiva pirsekê de ku, gelo dê xanima yekem a Rûsiya piştî cuda bûna Putîn û hevjîna wî ya berê dê kî be, Putîn got: ‘‘Berê lazim e hevjîna xwe ya berê bidim mêr, piştre hizra xwe dikim.’’

Hêjayî gotinê ye piştî 30 salên jiyana hevbeş, Serokkomarê Rûsya Viladîmîr Putîn û hevjîna xwe Lyudmila Putin bi awayekî fermî ji hev cuda bûne. Herduyan berê ragehandibûn ku êdî bi hev re najîn. Medya Rûsî ji hev cudabûna wan a fermî ragehand.

Kremlînê di roja 02.04.2014’ê ji hev cudabûna Wiladîmîr Putîn û hevjîna wî piştî 30 salan bi awayekî fermî ragehandibûn. Du keçikên wan hene.

Rojnameyên Rûsî beriya cudabûna Putîn ji hevjîna xwe îdîaya peywendiya nihênî ya wî û qehremana jîmnastîka Rûsyayê Elina Kabaeva yê kiribûn. Lê Kremlîn û Kabaeva yê peywendiyeke wiha red kiribûn.

Ji hev cudabûna Putîn û hevjîna wî, nûçeyeke sosret derbarê jiyana wî ya şexsî ye ku hertim ji bo xelkê cîhan û Rûsyayê cîhê pirsê bûye. Sala borî Putîn derbarê cudabûna ji hevjîna xwe de gotibû: ’’Biryara me ya cudabûnê biryareke du alî û medeniyane ye, ji ber ku em tu caran hevdu nabînîn.’’

BasNews