Li gor nûçeyek Malpera BasNews parêzera Kurd Maîde Qadirî ku ji Kurdên Xoresan`ê ye karî sêyemîn xelata mafê mirovan a ’’Navenda Azadiya Îranê - Kanûnê Azadiyê Îran’’ bi dest bixe.

Xelat roja Yekşemê li bajarê Bochum a Elmaniya li dêra Krîstos a wî bajarî di merasîmekê de bi beşdariya Şirîn İbadî, xwedî xelata Nobela aştiyê, şaredarê Bochumê, berdevkê şandeya serokên Elmanya û bi piştîvaniya du ekterên Îranî bi rêve çû û İbadî xelat pêşkêşî Maîde Qadirî kir.

Qadirî ji ber ku parêzertiya dosyeyên çalakvanên siyasî yên Kurd kiriye di sala 2010’an de ji aliyê hêzên asayişa bajarê Meşhedê ve hatibû binçavkirin û demekê di girtîgehê de ma.

Qadirî ji ber xebatên xwe ji Îranê derketibû û demekê li Başûrê Kurdistanê dima û ji aliyê Şirîn İbadî ve bo wergirtina xelatê hatibû pêşniyar kirin.

Xendan