Lêdana neasayî ya dil dikare pêşagahdariya nexweşiya felcê ya siberojê be. Dema ku lêdana dil bibe sedema aciziyê, pêwiste yekser mirov biçe ba bijîşkekî, da ku sedemên vê yekê bên zanîn. Li gor pisporan, lêdana neasayî ya dil li gor mirovan diguhere û dikare bi hêz, zû, yan jî zêde hêdî be.



Sedemên lêdana dil ya neasayî dikare stres, kêmgerr, derman, an jî nexweşiyên cûre bin. Bi giştî ev lêdana dil ya neasayî dikare pêşagahdariya hinek nexweşiyên ku rû bidin be, lê bi pirranî ev yek nîşana felçê ye.



Ji bilî hokarên giştî yên li jor hatine rêzkirin, rewşên nexweş yên derûnî, kişandina çixareyê, vexwarina çayê, qehwe, vexwarinên avên enerjîk, ducanîbûn, menapoz û hinek dermanên li dij sermayê jî dikarin sedemên lêdana neasayî ya dil bin. Kêmxewî jî dikare bibe sedema lêdana dil ya ku mirov pê aciz bibe. Herwiha divê di wê rewşê de mirov hay ji xwarina xwe jî hebe û xwarina zêde nexwe.

Rudaw