Di pişbirkêyeke wêjeyî de li Almanya, keçeka kurd xelata wêjeyî ya herî baş wergirt.

Li gorî nûçeya malpera Avestakurd, yekemîn pêşbirka wêjeyî îsal li bajarê Frankfurt ê Almanya hat sazkirin û dê ji vir û pêde her sal bê sazkirin.

Li gorî nûçeyê, di dawiya pêşbirkê de ku 5 kes hatin hilbijartin, yek jê keçeka kurd bi navê Dîlan Zahter bû ku xelata wêjeyî ya herî baş wergirt.

Hat gotin ku nûçeya wergirtina xelatê ji aliyê Dîlanê ve di rojnameyên navdar ên Almanya wek Frankfurter Allgemeine Zeitung, Frankfurter Neu Presse, Frizz Literatur de hat weşandin.