Li Almanyayê ciwanên kurd ev car sal in bi navê Tûrnovaya Futbola Salonê ya Çekdar Botan li dar dixin û her sal 10-12 tîmên kurdî tevlî tûrnovayê dibin. Îsal tûrnova li bajarê Monchengaldbachê hat lidarxistin û tîma Azadîspor ji bajarê Wuppertalê dîsa bû şampiyon.

Di 4’emîn Tûrnovaya Futbola Salonê ya Çekdar Botan de îsal 10 tîm roja 2yê Sibatê ji bo kûpayê têkoşiyan. Tîma bajarê Monchengaldbachê û tîma bajarê Wuppertalê maca fînalê leyîstin û 90 deqe nekarîn hevdû têkbibin. Di dema dirêjkirinê de jî wekhevî dom kir û dest bi penaltiyan kirin. Di dawî de Azadîspor 5-3 biserket û kûpaya sêyemîn wergirt. Tîma Ciwanên Welate Roj bû duyemîn, Welate Roj I jî bû tîma sêyemîn. Ji bîlî tîmên serkeftî qelevan û golavêjên serkeftî jî hatin hilbijartin. Piştî tûrnovayê 10 leystikvanên serkeftî bo Tîma Netewî ya Bakurê Kurdistanê hatin hilbijartin. Tîma Netewî ya Bakurê Kurdistanê hewl dide di Newrozê de here Ermenistanê û maçekî dostanî bileyîze û herwiha amadekariya maça ligel tîma Galîziayê jî dike.

Rudaw