Wekî ku pêştir ragihandibû, şaciwana Kurdistanê dest bi projeyên xwe yên xizmetguzariyê kir û di yekem projeyê de otombêla cura (Koster) pêşkêşî navenda (Diya)`yê kir ku taybete bi perwerdekirina zarokên xwedî pêdawîstiyên taybet li bajarê Helebçeya şehîd.

Şaciwana Kurdistanê Şinê Ezîz Ako bi daxuyaniyekê ji Xendanê re ragihand ku: "Di çarçoveya projeyên hevkarî (Pêmpilûskan) de ku bi piştevaniya hikûmeta herêmê û rêxistinên xizmetguzariyên netewî (PAO) encam didin, duh sêşeme di serdanekî meydanî de bo navçeya Helebçeya şehîd bi amadebûna berpirsên hikûmetê û çapemeniyê yekemîn proje hate encam dan."

Şinê Ezîz got: "Di wê çarçoveyê de otombêla cura (Koster) ji bo navenda (Diya) a taybet li bajarê Helebçeya şehîd hate dabîn kirin ku zarokên xwedî pêwistiyên taybet li wir tên perwerdekirin û pêwîstiya zarokan bo çûn û hatinê bi otombêlekê hebû."

Şaciwana Kurdistanê amaje bi wê yekê kir ku di çarçoveya projeyan de wê di pêşerojeke nêzîk de heman şêwe projeyên din li Hewlêr û Dihokê cî bi cî bikin.

Navbirî aşkira kir ku niha ew xwediyê lapera taybet ya xwe li tora civakî Facebookê bi vî navî ye:
www.facebook.com/Shene-Aziz-Ako

Xendan