لابردنی کوبا لە لیستی ئەو وڵاتانەی کە پشتیوانی تیرۆر دەکەن
سەرۆکی ویلایەتە یەکگرتووەکانی ئەمریکا ڕایگەیاند: کە بەنیازە ناوی کوبا لە لیستی ئەو وڵاتانەی کە پشتیوانی تیرۆر دەکەن لاببات و وردە وردە ئەو سزایانە کەم بکاتەوە کە بەسەر ئەم وڵاتەدا سەپێنراون.
بەگوێرەی زانیارییەکان، کوبا ئازادکردنی 553 بەندکراوی ڕاگەیاندووە، بڕیارەکە دوای گفتوگۆکانی لەگەڵ پاپا فرانسیس دراوە، هەرچەندە بەرپرسانی کوبا ئەوهەنگاوەیان بە سیاسەتەکانی بایدنەوە نەبەستووەتەوە.
هەروەها حکومەتی ئەمریکا بەنیازە سنووردارکردنی دارایی لەسەر ئەو لایەنانەی سەر بە سوپای کوبا هەڵبگرێت و ڕێگری بکات لە داوای یاسایی بەپێی یاسای هۆڵمز-بێرتۆن سەبارەت بەو موڵکانەی لە دوای شۆڕشی ساڵی ١٩٥٩ دەستی بەسەردا گیراون.
گوڵان: سەردار خەلیل
