بە پێی ڕاپۆرتی هەواڵدەریی فەرمیی فەلەستینی "وەفا"، لانیکەم ١٠٠ فەلەستینی لە هێرشی سوپای ئیسرائیل بۆ سەر قوتابخانەیەک کە پەنابەرانی فەلەستینی لە غەززە پەنایان گرتبوو، کوژران.

لەسەر بنەمای ئەمەش فڕۆکە جەنگییەکانی ئیسرائیل قوتابخانەی ئەلتابعینیان لە گەڕەکی ئەلدەرج لە ڕۆژهەڵاتی غەززە بۆردومان کرد کە پەنابەرانی فەلەستینی لەم شوێنە نیشتەجێبوون.

دەوترێت لەم قوتابخانەیەدا سەدان هاووڵاتی مەدەنی هەبوون کە لە هێرشەکانی ئیسرائیل بۆ سەر غەززە ماڵەکانیان وێران بووە.

سەرچاوە ناوخۆییەکان ئاماژەیان بەوە کردووە کە تەرمەکان بەهۆی هێرشەکەوە ئەندامەکانی جەستەیان پارچە پارچە بووە و بە ئاگر سووتاون.

تیمەکانی بەرگری شارستانی رایانگەیاند، كە ئاستەمە تەرمەكان کۆبکرێنەوە بەهۆی پارچە پارچە بوونی ئەندامانی جەستە و سوتانی لە رادەبەدەر.

سوپای ئیسرائیل ڕایگەیاند، بۆردومانی قوتابخانەی ئەلتابعینیان کردووە، کە حەماس وەک بارەگا بەکاری دەهێناوە.

 

 

 

گوڵان: سەردار خەلیل