كچە كوردێك بەشداری ئۆلۆمپیادی جیهانی دەكات
لە شاری بەغداد پاڵەوانێتی شەترەنجی ڕافیدەین بەرێوەچوو، یارییەكانی تەنیا بۆ ئاستی كچە یاریزانانی یانەكانی عێراقی بوو، سەرجەم یارییەكانی بەبەشداری 14 یاریزانی شارەكانی عێراقی و بۆ ماوەی پێنج ڕۆژ بەردەوام بوو، لەم پاڵەوانێتیەش كچە یاریزانی كوردی شاری هەولێر و یانەی مەلیك بەهرە سەمیر ئەنوەر توانی پلەی یەكەم و مەدالیای زێر بەدەست بهێنێت لە پاڵەوانێتیەكە ، وەكو یاریزانی هەڵبژاردەی عێراقیش بەدەست لە پاڵەوانێتی ئۆڵۆمپیادی جیهانی دەكات كەوا بڕیارە لە ماوەی داهاتوولە ووڵاتی هەنگاریا یارییەكانی بەرێوە بچێت، بەهرەی تەمەن 15 ساڵ وەكو كوردێك و پاڵەوانێك بەشداری پاڵەوانێتی ئۆڵۆمپیادی جیهانی دەكات و ئامانجی بەدەست هێنانی ئەنجامی شایستە و بە دەست هێنانی مەدالیای زێرە بۆ ئەوەی ناوی خۆی و كوردستانیش بەرز بكاتەوە، جێگای ئاماژە پێكردنە یانەی شەترەنجی مەلیك خاوەنی چەندین یاریزانی بەهرەمەندە لەم یارییە و پاشەڕۆژی باش چاوەڕوانیان دەكات بۆ ئەوەی بتوانن لە پاڵەوانێتیە نێودەوڵەتیەكان ئاست و ئەنجامی شایستە بەدەست بهێنن بۆ خۆیان و كوردستان.