هێرشی ئاسمانی ئیسرائیل بۆ سەر سوریا
میدیاکانی دەوڵەتی سوریا سەرلەبەیانی ڕۆژی دووشەممە بە پشتبەستن بە سەرچاوە سەربازییەکان بڵاویانکردەوە، هێزی ئاسمانی ئیسرائیل لە ڕۆژی دووشەممە ناوچەکانی نزیک شاری حەلەبی بۆردومان کرد و چەند کوژراوێکی بەجێهێشت.
بەگوێرەی ئەو سەرچاوە سەربازییانە، ئەم هێرشە ئاسمانیانە "زەرەرمەندی مرۆڤ و زیانێکی زۆری ماددی لێکەوتەوە". گروپی ئۆپۆزسیۆنی "چاودێری مافی مرۆڤ لە سوریا" ڕایدەگەیەنێت، ئەم هێرشانە بۆسەر شوێنەکانی شارۆچکەی حەیان کە دەکەوێتە باکووری شاری حەلەب ئەنجامدراون و لە ئەنجامدا 12 میلیشیای سەر بە ئێران کوژراون.
گوڵان: سەردار خەلیل
