لە ڕووداوێکی کەوتنەخوارەوەی فڕۆکەیەکدا چەند کەسێك گیانیان لەدەستدا
لە ئەنجامی کەوتنەخوارەوەی فڕۆکەیەکی بچووک لە ویلایەتی ئۆکلاهۆمای ئەمریکا ٣ کەس گیانیان لەدەستدا.
پۆلیسی ڕێگاوبانی ئۆکلاهۆما لە بەیاننامەیەکدا ڕایگەیاند، دوای ئەوەی فڕۆکەیەکی بچووکی تاکە بزوێنەر لە نزیک شاری ئانتلەرس لە ویلایەتی ئۆکلاهۆما کەوتە خوارەوە 3 كەس گیانیان لەدەستدا.
بەپێی ئەم ڕاگەیاندنە، برایان دەیڤس، فڕۆکەوانی ئەم فڕۆکەیە و دوو سەرنشینی لەم ڕووداوەدا گیانیان لەدەستداوە.
تا ئێستا هۆکاری کەوتنەخوارەوەی فڕۆکەکە نەزانراوە و دەستەی سەلامەتی گواستنەوەی نیشتمانی و ئیدارەی فڕۆکەوانی فیدراڵی لێکۆڵینەوەی هاوبەش لەبارەی کەوتنەخوارەوەی فڕۆکەکە ئەنجام دەدەن.
ئەم فڕۆکە تاکە بزوێنەرە فوتز دەیڤس DA-3 بوو کە توانای هەڵگرتنی ٤ کەسی هەبوو.
گوڵان: سەردار خەلیل
