دادگای عامری کوێت کۆچی دوایی شێخ نەواف ئەلئەحمەد ئەلجابر ئەلسەباح میری ئەم وڵاتەی لە تەمەنی ٨٦ ساڵیدا ڕاگەیاند.

شێخ محمد العبدالله المبارک الصباح، وەزیری ئەنجومەنی دیوانی عامری کوێت لە میانەی ڕاگەیاندنی لە تەلەفزیۆنی فەرمی ئەم وڵاتە سەبارەت بە کۆچی دوایی "شێخ نەواف ئەلئەحمەد ئەلجابر ئەلسەباح". ئەمیری کوێت تەمەن ٨٦ ساڵ، نیوەڕۆی ئەمڕۆ شەممە ١٦ی کانوونی دووەمی ٢٠٢٣ ڕایگەیاند. 

- شێخ نەواف ئەلئەحمەد الجابر ئەلسەباح کێیە؟

شێخ نەواف ئەلئەحمەد ئەلجابر ئەلسەباح لە 29ی ئەیلولی 2020 بووە ئەمیری کوەیت دوای ئەوەی بۆ ماوەی 14 ساڵ وەک شازادەی جێنشینی کوێت بووە، ئەوەش دوای کۆچی دوایی برایەکی کە میری پێشووی کوێت بوو.

شێخ نەواف لە 25ی حوزەیرانی ساڵی 1937 لە کوەیت لەدایک بووە و زیاتر لە 3 ساڵ وەک میر حوکمی وڵاتەکەی کردووە. لە ساڵی ١٩٦٢ وەک پارێزگاری شاری حەوالی کە دەکەوێتە باشووری پایتەختی کوێت لە ڕۆژهەڵاتی ئەو وڵاتە کاری کردووە. نەواف لە سەردەمی ئیدارەکەیدا هەوڵی زۆری دا بۆ باشترکردنی شارەکە و لە ساڵی ١٩٧٨ وەک وەزیری ناوخۆی کوێت هەڵبژێردرا.

ساڵی 1988 بوو بە وەزیری بەرگری و کاری کرد بۆ پەرەپێدانی یەکەکانی سەر بە وەزارەتی بەرگری و دەستەبەرکردنی چەکی سەردەمیانە و کەرەستەی سەربازی.

شێخ نەواف پۆستی وەزیری کار و کاروباری کۆمەڵایەتی لە یەکەم حکومەتی کوەیت وەرگرت دوای ڕزگارکردنی ئەم وڵاتە لە شەڕی عێراق کە لە مانگی نیسانی ساڵی 1991 پێکهێنرا.

شێخ نەواف ئەلئەحمەد ئەلجابر ئەلسەباح بە باوکی ڕۆحی هێزە ئەمنییەکان و دامەزرێنەری ڕاستەقینەی وەزارەتی ناوخۆی کوێت ناسراوە. لە نێوان ساڵانی ١٩٨٨-١٩٧٨ و ٢٠٠٣-٢٠٠٦ دووجار وەزیری ناوخۆی کوێت بووە.

 

 

گوڵان: سەردار خەلیل