یازدە شاخەوان بەهۆی تەقینەوەی گڕکانێک لە ئەندەنوسیا گیانیان لەدەستدا.

دوای تەقینەوەی گڕکانێکی زۆر چالاک لە پارێزگای سوماترای ڕۆژئاوا، ١١ شاخەوان گیانیان لەدەستداوە و چەند کەسێکی دیکەش بێسەروشوێنن. 

ئەندەنوسیا دەکەوێتە سەر ئەڵقەی ئاگری زەریای هێمن و ١٢٧ گڕکانی چالاکی هەیە، ئەم وڵاتە لە هەموو شوێنێکی جیهان گڕکانەکانی زیاترە و چیای ماراپی یەکێکە لە گڕکانە چالاکەکانی ئەم وڵاتە. گڕکانەکە بە بەرزی ٢٨٩١ مەتر (٩٥٠٠ پێ) ڕۆژی یەکشەممە تەقیوەتەوە و چەندین کیلۆمەتر خۆڵەمێشی گڕکانەکان بڵاو بووەتەوە.

لە چەند ناوچەیەك چۆڵکردن بەردەوامە و لە ئێستادا تیمێکی 40 فریاگوزاری لەسەر شاخەکەن لەکاتێکدا تەقینەوەکە بەردەوامە. فریاگوزاری بۆ لێقەوماوان و هەوڵەکان بۆ دۆزینەوەی ١٢ کەسی بێسەروشوێن بەردەوامە.

 

 

 

 

گوڵان: سەردار خەلیل