سەرۆک وەزیرانی ڤێتنام ڕایگەیاند: کە وڵاتەکەی ئامادەیە ڕێککەوتنێک سەبارەت بە بازرگانی دەرەکی لەگەڵ تورکیا واژۆ بکات.

لە میانی وتارێکیدا لە کۆبوونەوەی بازرگانی تورکیا و ڤێتنام کە لە ئەنقەرە بەڕێوەچوو، فام مین چین، سەرۆکوەزیرانی ڤێتنام گوتی: ڤێتنام بەنیازە ڕێککەوتنێک لەگەڵ تورکیا لە بواری بازرگانی دەرەکیدا واژۆ بکات، کە خزمەت بە بەرژەوەندییەکانی هەردوو وڵات بکات.

جەختیشی لەوە کردەوە، کە پیشەوانانی تورک و ڤێتنام لەیەک دەچن، گوتیشی: ئێمە بینیمان كە وڵاتەکەتان چۆن گەشەیەکی بەردەوام و خێرای کردووە. 

دەشڵێت: ئێمە دەبینین کە تورکیا لە پێگەیەکی باشی کێبڕکێدایە. ئێمە بەم دۆخە دڵخۆشین، تورکیا لە ڕیزی 20 وڵاتی ئابوری پێشەنگی جیهانی دایە. ڕاستگۆیانە ئەمە جێگەی ستایشە و پێویستە شانازی پێوە بکرێت.

فام هیوای خواست کە بازرگانان و خاوەنکارانی تورکیا هاوکاری بازاڕی ڤێتنام بکەن و وەبەرهێنان لەم وڵاتەدا بکەن.

 

 

 

 

 

گوڵان: سەردار خەلیل