ئالان حەمەسەعید ساڵح" وەزیری پەروەردەی حکومەتی هەرێمی کوردستان، بە یاوەری بەرێزان بەڕێوەبەری گشتی پەروەردەی سلێمانی سەردانی قەزای شارەزووری کرد، لە لایەن قائیمقام و بەڕێوەبەری ناحیەی زەڕایەن و بەڕێوەبەری پەروەردەی شارەزوور پێشوازی لێکرا.
لەسەردانەکەدا وەزیری پەروەردە پرۆژە پەروەردەییەکانی قەزای شارەزووری بەسەرکردوە و بڕیاردرا کە کارکردن بەردەوام بێت لە قوتابخانەیەکی (١٨) پۆلی کە بەزووترین کات بکەوێتە بواری خزمەتەوە و لەهەمانکاتدا بریاردرا بە نۆژەنکردنەوەی قوتابخانەیەکی سنوورەکە کە دەوامکردن تیایدا وەستاوە، لەگەڵ دابینکردنی چەند پێداویستیەک و بەسەرکردنەوەی کۆگای پەروەردەی شارەزوور و چۆنیەتی دابەشکردنی کتێبی نوێ بەسەر قوتابخانەکانی سنووری ناوبراو، هەروەها لەگەڵ یەکەی چالاکی وەرزش و هونەری پەروەردەی شارەزوور کۆبووە.
دواتر وەزیری پەروەردە لەبەڕێوەبەرایەتی پەروەردەی شارەزوور لەگەڵ سەرپەرشتیاران و فەرمانبەران و ژمارەیەک لە مامۆستایانی سنوورەکە کۆبووە باس لە ڕەوشی خوێندن وپەروەردە کرا و ڕەخنەو سەرنجەکان خرانە ڕوو، لەکۆتاییدا وەزیری پەروەردە وەڵامی داواکارییەکانی دایەوە و بەڵێنی پێدان کە هاوکار و پشتیوانیان دەبێت بۆ بەرەوپێشچوونی پڕۆسەی پەروەردە.