مه‌سرور بارزانی، سه‌رۆكی حكوومه‌تی هه‌رێمی كوردستان، له‌ ڕێوڕه‌سمی دابه‌شكردنی خه‌ڵات به‌سه‌ر قوتابییه‌ یه‌كه‌مه‌كاندا، ڕۆڵی مامۆستایانی به‌رز نرخاند، كه‌ له‌ دۆخی سه‌ختدا سه‌نگه‌ری په‌روه‌رده و فێركردنیان چۆڵ نه‌كردووه‌ و ئه‌و هه‌ڵوێسته‌ی به‌رز نرخاند و ڕاشیگه‌یاند: مامۆستایانی خۆشەویستمان پێشمەرگەئاسا لە بواری پەروەردەدا تێكۆشاون، بێگومان بۆ پێشخستنی بواری پەروەردە و فێركردنیش، پێویستە بە هەمان گیانی نیشتمانپەروەری بەردەوام بن و بە زانست و زانیاریی نوێ دەوڵەمەند بكرێن و مەشق و راهێنانی نوێ وەربگرن. مامۆستایانی بەڕێزمان داینەمۆی ئەو گۆڕانكارییانە دەبن كە ئێمە بە نیازین لەم كەرتەدا جێبەجێی بكەین. لێرەشدا وێڕای دەستخۆشی و پێزانینی دووبارەمان بۆ مامۆستایان و پاڵپشتیمان بۆ دەستەبەركردنی هەموو ماف و داخوازییەكانیان دووبارە دەكەینەوە.