سەرۆك نێچیرڤان بارزانی پێشوازی لە سەرۆكی ئەنجومەنی باڵای دادوەریی عێراق دەكات
![سەرۆك نێچیرڤان بارزانی پێشوازی لە سەرۆكی ئەنجومەنی باڵای دادوەریی عێراق دەكات](https://gulanmedia.com/public/images/posts/20230308211404_original_5.jpg )
ئێوارەی ئەمڕۆ چوارشەممە 8/3/2023 بەڕێز نێچیرڤان بارزانی، سەرۆكی هەرێمی كوردستان، پێشوازی لە بەڕێز فائق زێدان سەرۆكی ئەنجومەنی باڵای دادوەریی عێراق كرد.
لە دیدارێكدا گرنگیی ڕۆڵی دادوەری و دادگاكان لەسەر سەقامگیریی وڵات و كاریگەرییەكانی لەسەر هەموو كایەكانی ژیان خرایە بەر باس و گفتوگۆ، هەروەها لەسەر گرنگیی جێبەجێكردنی پرۆگرامی كابینەی حكوومەتی فیدراڵی هاوڕا بوون كە ڕێككەوتنی هەموو لایەن و پێكهاتەكانی لەسەرە.
لای خۆیەوە سەرۆك نێچیرڤان بارزانی سوپاسی بەڕێز سەرۆكی ئەنجومەنی دادوەری كرد بۆ ڕۆڵ و ئەركیان لە كاری پێكەوەیی و كۆشش بۆ دڵنیاییدان كە دەبێت دادگاكان جێگەی دڵنیایی بن بۆ سەرجەم هاووڵاتیان و پێكهاتەكانی عێراق.
لە بەرامبەردا بەڕێز سەرۆكی ئەنجومەنی باڵای دادوەری، سوپاسی ڕۆڵ و پێگەی سەرۆك نێچیرڤان بارزانی كرد لە پێكەوەژیان و قووڵكردنەوەی گیانی پێكەوەیی لەسەر ئاستی عێراق بەگشتی.
![سەرۆك نێچیرڤان بارزانی پێشوازی لە سەرۆكی ئەنجومەنی باڵای دادوەریی عێراق دەكات](https://gulanmedia.com/public/images/posts/20230308211533_big_770x552_13.jpg )