دوژمنانی ئازادی و دیموكراتی، لە هەر كات و سەردەمێكدا بۆیان رەخسا بێت هەموو جۆرە شێوازێكی نامرۆڤانە و تاریك پەرستانە دەگرنە بەر بۆ ئەوەی رێگە لە هەناسەی ئازادی بگرن، بەڵام بە فام كوێری خۆیان نازانن كە گەر تاوانێكی گڵاو بكەن و كەسێك شەهید بكەن ئەو نەمامێكی ئازادی و سەرفرازی زیاتر دەبێت و تیرۆریستان و دوژمنایش روورەش تر و سەر شۆرتر دەبن. 18ساڵ لەمەوبەر، دوو تەقینەوەی خۆكوژی باره‌گایی پارتی دیموكراتی كوردستان و مه‌لبه‌ندی یه‌كێتی نیشتمانی كوردستان كردبووە ئامانج، كه‌ له‌ ئه‌نجامدا 101 كەس شەهید بوون كە زۆرێك لەوان بەرپرس و كەسایەتیی سیاسیی ئەم دوو حزبە بوون
. داگیركەران و شۆڤێنزمەكان و ئەوانەی چاویان بە ئازادی و سەربەستی گەلێكی وەك كورد هەڵنایەت بە درێژایی مێژوویی رزگاریخوازی كوردستان دەیان جار بەمەبەستی رێگریكردن لە ئامانجەكانی دەیان پیلانی تیرۆریستی و قێزەوەنیان ئەنجامدا و بەسەدان كادیر و ئەندامی تێكۆشەری رێبازی كوردایەتی و كۆڵنەدانیان شەهید كردووە .رۆژی یەكی شوباتی ساڵیدوو هەزار و چوار تیرۆریستانی شۆفێنێزم تاوانی یەكی شوباتیان لە دژی نەتەوەی كوردو گەلی كوردستان ئەنجامدا، لە یەكی شوباتی ئەو ساڵەدا كە رێكەوتی جەژنی قووربانی دەكرد، لەوكاتەیدا هەردوو بارەگای لقی دووی پارتی دیموكراتی كوردستان و مەڵبەندی سێی یەكێتی نیشتیمانی كوردستان رێورەسمی پێشوازی كردن لە خەڵك و جەژنە پیرۆزەیان بۆ جەماوەرو لایەنگران و میوانانی خۆیان رێكخستبوو، دوو تیرۆریست خۆیان خزاندە ناو جەماوەری ئەو دوو هێزە سیاسییەی كوردستانەوەو خۆیان گەیاندە ناوجەرگەی پێشوازیكەران و لەبەردەم ئەندامانی مەكتەبی سیاسی و سەركردایەتی هەردوو حزبدا لەیەك ساتەوەختدا لە تاوانێكی تیرۆریستی و لە كردەوەەیەكی خۆكوژیدا خۆیان تەقاندەوە، لەئەنجامی ئەو كردەوە خۆكوژییە نامرۆییانەدا كە لە روانگەی ئاینی ئیسلامیشەوە كەس چاوەڕێی تاوانێكی وا نەبوو لە رۆژی جەژندا، لەئەنجامی ئەو دوو تەقینەوە خۆكوژییەی لە هەردوو بارەگادا تیرۆریستان ئەنجامیان دا، یادی 1ی شوباتدەكەینەوە، ڕێزگرتنە لەم شەھیدانە، زیاتر لەمە دووپاتكردنەوەیە لە یەكڕیزیی خەڵكی كوردستان بۆ ڕووبەروبوونەوەی تیرۆر.
كارەساتی یەكی شوبات بەرجەستەكەری ئەو دوو راستییە بوو: ئێمەی كورد گەر بە خوێنی سەری یەكدییش تینوو بین، هێشتا دوژمن بە خوێنمان تینووترە، ئەو بە دوای سەری كورددا دەگەڕێ جا سەرێك بین یان هەزار. هیچ كات و ساتێك بۆ كورد كاتی حەوانەوە و پشتین كردنەوە و چاوغافڵكردن نییە. قەدەری كورد وایە كە هەمیشە بێدار بێت.یەكبوون و وەكیەكیی نەتەوەیی، بەرلەوەی وویستی نێوخۆیی و بەرهەمی ئاگاهی و هۆشیاریی و خودناسیی خۆمان بێت، قەدەر و جەبرێكی دەرەكییە. یادەوەریی دەستەجەمعیی و چارەنووسی هاوبەش بەرلەوەی دەسكرد و بەری خەبات و ئامانجی هاوبەشی خۆیی بێت، بەرهەمی ئەو كارەسات و روداوگەلەن كە لە دەرەوە دەرحەقمان دەكرێن. كوردبوون بەرلەوەی ناسنامەی دڵخواز و پێداگیرانەی ئێمە بێت، وێنایەكە لە دەرەوە ڕا بەبەرمان بڕاوە و پێی دەناسرێینەوە. بۆیەش راكردن لەو قەدەرە هاوبەشە مەحاڵێكی بێهودەیە.
دوژمنان و ناحەزانی گەلەكەمان بەدرێژایی مێژوو ، هەر جۆرە شێواز و رێگەیەكیان شك بردبێت بۆ بەڵارێدابردن و دروستكردنی كۆسپ لەبەردەم كاروانی خەبات گەلەمان درێغیان نەكردووە ، هەر لە چەكی كۆمەڵكوژ، تابووری پێنجەم، ناوچەگەرێتی و شەرٍی میدیایی و ئینجا بەكارهێنانی ئایین ، بەڵام تا بە ئەمڕۆ پیلانەكانیان شكست خواردووبوو بوونە چونكە، مێژوو گەواهیدەرە كە گەلی كوردستان لەپێشەنگی گەلانی موسلمان دایە و پابەندە بە ئەركە ئایینییەكان دوژمنان سوودیان لەو هەستەپاكەیان وەرگرتووە لەم پەنایەدا زیانی گەورەیان لێ داوین كە هەر یەك لە رووداوی هەوڵی تیرۆكردنی سەركردەی نەمر مەلا مستەفا بارزانی لە 29/9/1970 لە رێگای چەند كەسێكی بەكرێگیراو بە جل وبەرگی مەلایەتی و كارەساتی یەكی شوبات لەیەكەم رۆژی جەژنی قورباندا نموونەی هەرە دیاری ئەم راستی یەن بەڵام ئەمەش نەبووینە هۆكارێك تا تاكی كورد بەلای بیری نامۆ و توندرەوی دابچێت چونكە لە بنەرەتدا گەلی كوردستان بە تێگەیشتنێكی تەواو ئایینی ئیسلامی وەرگرتووە كە پێویستە لەم قۆناغەشدا زۆر بە جدی كار بكرێت بۆ رێگە گرتن لە هەموو فكرەیەكی مەترسیدار تا جارێكی تر رووبەرووی كارەساتێكی تر لە شێوەی یەكی شوبات نەبینەوە كە بەداخەوە تا بە ئەمرۆ دەگات كاریگەری و ئاسەوارە خراپەكانی هەرماوە.
مێژووی بزافی ڕزگاریخوازی کوردستان هەمیشە لە ڕێگەی خەبات و تێكۆشانی بەردەوامی شۆڕشگێڕانەدا، لە بەرەی بەرەنگاربوونەوەی تیرۆردا بووە و هیچ كات پەنای بۆ تیرۆر نەبردووە.گەلی كورد لە پێناو ئازادی و دیموكراسی و چەسپاندنی ئاشتی و بە دەستهێنانی ویستەرەواكانی هەمیشە قوربانی زۆر بەخشیووە و دەبەخشی . جەنگی جیهانی تیرۆر و بەخشینی زیاتر لە 1800 شەهید لە ماوەی چوار ساڵدا ، نموونەی فیداكاری و قوربانیدانە لە پێناو ئازادی و تێكشكاندنی هزری ڕەشی مرۆڤ كوژی و تاریكی. ئەمڕۆیش كوردستان لە سایەتی قوربانی دان و خوێنی شەهیدان و ماندبووبوونی پێشمەرگەی و خەباتی بێ‌ وچانی گەلەكەمان ساڵ بە ساڵ زیاتر لە بەدیهێنانی خەونی شەهیدان نزیكتر دەبێتەوە، پێوستە رۆح و فیداكاری و خوێنی شەهیدان كورد وكوردستان ببێتە هەوێنی تەبایی و بەهێزكردنی كوردستان ..