بەهۆی وەرگەڕانی پاسێک لە وڵاتی پیرۆ ٢٥ کەس گیانیان لەدەستدا
لە دوای وەرگەڕانی پاسێک لە ویلایەتی تالارا لە پیرۆ، ٢٥ کەس گیانیان لەدەستدا و ٣٥ کەسی دیکەش برینداربوون.
بەگوێرەی میدیاکانی پیرۆ، ئەو پاسەی كە لە ویلایەتی تالارا بەڕێکەوتبوو، لە ناوچەی لۆس ئۆرگانۆس لە بەرزاییەكان وەرگەڕاوە.
لە کاتێکدا بریندارەکان لە نەخۆشخانەکانی هەرێم چارەسەر کراون، ئۆپەراسیۆنی گەڕان و فریاگوزاری بەردەوامە.
هەروەها بەپێی میدیاکانی پیرۆ، سەرنشینانی پاسە ئاماژەپێکراوەکە کارمەندی کۆمپانیایەکی تایبەت بوون.
گوڵان: سەردار خەلیل
