ڕێکخراوی بەرگری شارستانی جەزائیر رایگەیاند، کە لە ئەنجامی ڕووداوێکی هاتووچۆ لە باشووری ڕۆژئاوای ئەم وڵاتە نزیکەی 19 کەس بوونەقوربانی.

ئەم ڕێکخراوە بەیاننامەیەکی بڵاوکردەوە و ڕایگەیاند، كە ڕووداوێکی هاتوچۆ لە نێوان دوو ئۆتۆمبێلی جۆری تۆیۆتا هایلۆکس و تۆیۆتا لاندکرۆزەر FG80 ڕوویداوە، لە سنووری پارێزگای "برج باجی موختار" لە نزیک سنووری وڵاتی مالی و بەپێی ئامارە سەرەتاییەکان 19 کەس بوونە قوربانی.

لە بەیاننامەکەیدا، ڕێکخراوی بەرگری شارستانی جەزائیر دووپاتی کردەوە کە پێکدادانەکە لەسەر ڕێگای سەرەکی ژمارە 6 لە نێوان تاوەری « برجی باجی موختار» و ناوچەی "رقان" لە پارێزگای "ئەدرار"ی دراوسێ و هاوسنوور ڕوویداوە و دووپاتی کردەوە کە لە ئەنجامدا 16 سەرنشینی… ئەو دوو ئۆتۆمبێلە گیانیان لەدەستداوە، لەنێویاندا دوو هاووڵاتیی جەزائیری و 14 هاووڵاتی دیکەی وڵاتانی ئەفریقان و سێ کەسی دیکەش برینداربوون، کە باری تەندروستییان سەختە.

 

 

گوڵان: سەردار خەلیل