گرتە ڤیدیۆیەك لە تۆڕە كۆمەڵایەتییەكان بڵاوكراوەتەوە، كە تێیدا دەردەكەوێت پەنابەرێكی سوری بە نایاسایی كۆچ دەكات، تەرمی منداڵەكەی كە بەهۆی تینوێتی و برسێتیەوە گیانی لەدەستداوە، فڕێدەداتە ناو دەریای ناوەڕاست ، شەپۆلێكی خەم و پەژارەی لێكەوتۆتەوە.

لەم ڕووداوە جەرگبڕەدا کە ٣٢ کۆچبەر خواردن و خواردنەوە و سووتەمەنییان تەواو بووە، شەش سەرنشین کە چەند منداڵێکیان تێدایە بەرگەی ئەو بارودۆخە سەختانەیان نەگرتووە و گیانیان لەدەستداوە.

بە وتەی کۆمیساریای باڵای پەنابەرانی نەتەوە یەکگرتووەکان، گەشتی کۆچبەران لە دەریای ناوەڕاستدا لە ڕابردوودا کوشندەتر بووە و لە ساڵی ٢٠١٥ەوە زیاتر لە یەک ملیۆن پەنابەر و کۆچبەر لەم دەریایەدا تێپەڕیون بەرەو ئەوروپا.

 

 

 

گوڵان: سەردار خەلیل