سەرۆك بارزانی پێشوازی لە نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق دەكات
سه‌رۆك مه‌سعود بارزانى و نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق، جەختیان لەوە كردەوە كە پێویستە كێشە و قەیرانەكانی عێراق لە چوارچێوەی دەستوور چاره‌سه‌ر بكرێن.
ئه‌مڕۆ دووشه‌ممه 22/8/2022 له سه‌لاحه‌ددین، سه‌رۆك بارزانى پێشوازیی له خاتوو جنین پلاسخارت، نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق كرد، لە دیدارەكەدا بیروڕا لەبارەی بارودۆخی سیاسیی عێراق و قەیرانی سیاسی ئاڵوگۆڕ كرا.
هه‌ر له دیداره‌كه‌دا، سه‌رۆك بارزانى و نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق، جەختیان لەوە كردەوە كە پێویستە كێشە و قەیرانەكانی عێراق لە چوارچێوەی دەستوور و بە شێوازی دیالۆگ چارەسەر بكرێن.
