دوای وەرگەڕانی پاسێک لە مەغریب ٢٥ کەس گیانیان لەدەستدا کە ١٧ کەسیان منداڵن
وەزارەتی تەندروستی مەغریب ڕایگەیاند: کە دوای وەرگەڕانی پاسێکی نەفەرهەڵگر لەم وڵاتە 25 کەس کوژران و 36 کەسیش برینداربوون.
میدیاکانی مەغریب ڕایانگەیاندووە، کە حەڤدە لەو قوربانییانە منداڵانی تەمەن چوار بۆ چواردە ساڵ بوون كە لەگەڵ خێزانەکانیان لە پشوودا بوون.
کەناڵی 2ی فەرمیی مەغریب ڕایگەیاند: ئەگەری زیادبوونی ژمارەی قوربانییان لە چەند کاتژمێری داهاتوودا هەیە .
میدیا ناوخۆییەکانی مەغریب ڕایانگەیاند: پاسی هەڵگری گەشتیارەکان لە ئەلدارالبیضاء بەرەو ناوچەی عەتاب دەڕۆیشت، كەلە یەکێک لە پێچەکانی سەر ڕێگای بنی ملال وەرگەڕا.
تا ئێستا هیچ وردەکاریی زیاتر لەبارەی هۆکاری ڕووداوەکەوە بڵاونەکراوەتەوە.
گوڵان: سەردار خەلیل
