وەزارەتی دەرەوەی ئازەربایجان هێرشی گرووپێکی ئاینی توندڕەوی بۆ سەرباڵیۆزخانەی ئەو وڵاتە لە لەندەن ڕاگەیاند.

وەزارەتی دەرەوەی کۆماری ئازەربایجان لە بەیاننامەیەکدا ڕایگەیاند: کە گروپێکی ئاینی توندڕەو هێرشیان کردووەتە سەر باڵیۆزخانەی ئازەربایجان لە لەندەن، لە راگەیەندراوەکەی ئەم وەزارەتەدا هاتووە، كە گروپێک چوونەتە ناو بینای باڵیۆزخانەی باکو لە لەندەن و هەوڵی تێکدانیان داوە.

هێرشبەران لە باڵکۆنی بینای باڵیوزخانەکەدا ئاڵای ئاینییان بەرزکردەوە و دروشمی توندڕەویان دەوتەوە.

دوای هاتنی پۆلیسی ناوخۆ، ئەندامانی ئەو گروپە توندڕەوە بیناکەیان بەجێهێشت و لەلایەن پۆلیسەوە دەستبەسەرکران.

بەو پێیە هیچ زیانێك بە ستافی باڵیۆزخانەی ئازەربایجان لە لەندەن نەگەیشتووە.

لە بەردەوامی ڕاگەیەندراوەکەدا هاتووە: كە لێکۆڵینەوەی پۆلیس دەستیپێکردووە سەبارەت بەم گروپە هێرشبەرە و ئەنجامی لێکۆڵینەوەکەش ڕادەگەیەنرێت.

لەم بەیاننامەیەدا ئاماژە بەوە كراوە،بەپێی ڕێككەوتننامەی ڤییەنا، دەسەڵاتدارانی بەریتانیا لەوهۆشدارییە سەبارەت بە ئاسایشی دیپلۆماتکاران و بینای دیپلۆماسییەكان ئاگادار كراونەتەوە.

 

 

 

 

گوڵان: سەردار خەلیل