سه‌رۆكی حكوومه‌تی هه‌رێمی كوردستان، به‌بۆنه‌ی كۆچی دوایی عه‌لی قازی، كوڕی شه‌هید پێشه‌وا قازی محه‌مه‌د، په‌یامێكی هاوخه‌می ئاڕاسته‌ی بنه‌ماڵه‌ی ناوبراو كرد.

ئه‌مڕۆ 10/7/2022، مه‌سرور بارزان، سه‌رۆكی حكوومه‌تی هه‌رێمی كوردستان، به‌بۆنه‌ی كۆچی دوایی كوڕه‌ تاقانه‌كه‌ی پێشه‌وا قازی محه‌مه‌د، عه‌لی قازی ناسراو به‌ كوڕی ره‌ش، په‌یامێكی هاوخه‌می و سه‌ره‌خۆشی ئاڕاسته‌ی بنه‌ماڵه‌كه‌ی كرد و تێیدا هاتووه‌، "بە داخەوە هەواڵی کۆچی دوایی کاک عەلی قازی، کوڕی شەهید پێشەوا قازی محەمەدمان پێگەیشت".

له‌ به‌شێكی دیكه‌ی په‌یامه‌كه‌ی مه‌سرو بارزانیدا هاتووه‌، "پرسە و سەرەخۆشی لە بنەماڵەی بەڕێز و نیشتمانپەروەری پێشەوا قازی دەکەین و هاوخەمیانین. خوای مەزن گیانی بە بەهەشت شاد بکات و سەبر و ئارامییش بە هەمووان ببەخشێت".

شایانی باسه‌ ئه‌مڕۆ یه‌كشه‌ممه‌ 10/7/2022، عه‌لی قازی له‌ ته‌مه‌نی 89 ساڵیدا له‌ وڵاتی ئه‌ڵمانیا كۆچی دوایی كرد