سه‌رۆكی حكوومه‌تی هه‌رێمی كوردستان پێشوازی له باڵوێزی ئه‌ڵمانی له عێراق كرد
سه‌رۆكی حكوومه‌تی هه‌رێمی كوردستان پێشوازی له باڵوێزی ئه‌ڵمانی له عێراق كرد و جه‌ختیان له په‌ره‌پێدانی په‌یوه‌ندییه‌كانی نێوان هه‌رێمی كوردستان و ئه‌ڵمانیا به تایبه‌تی ئابووری كرده‌وه.
ئەمڕۆ سێشەممە 21/6/2022، مه‌سرور بارزانی، سه‌رۆكی حكوومه‌تی هه‌رێمی كوردستان، پێشوازی له مارتن یێگەر باڵیۆزی ئەڵمانیا لە عێراق کرد و لە کۆبوونەوەیەکدا گفتوگۆ كرا دەربارەی پەرەپێدانی پەیوەندییەکانی هەرێمی کوردستان و ئەڵمانیا بەتایبەتی لە بواری ئابووری و وەبەرھێنان.
بارودۆخی گشتیی و دوایین گۆڕانکارییەکانی عێراق، گرنگیی بەردەوامبوونی پشتیوانیکردنی پیشمەرگە لە شەڕی تیرۆر و چەند بابەتێکی جێی بایەخی هاوبەش، به‌شێكی دیكه‌ی كۆبوونه‌وه‌كه بوون.
