سه‌رۆكى هه‌رێمى كوردستان پێشوازى له‌ باڵيۆزى تازه‌ى ئه‌مه‌ريكا كرد

سه‌رۆكى هه‌رێمى كوردستان پێشوازى له‌ باڵيۆزى تازه‌ى ئه‌مه‌ريكا كرد

ئێواره‌ى ئه‌مڕۆ پێنجشەممە 2022/6/16 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازی لە خاتوو ئالینا ڕۆمانۆوسكی باڵیۆزی تازەی ئەمەریكا لە عێراق كرد.

له‌ ديدارێكدا سه‌رۆك نێچيرڤان بارزانى پيرۆزباييى ده‌ستبه‌كاربوونى له‌ خاتوو ڕۆمانۆوسكى كرد و هيواى سه‌ركه‌وتنى بۆ خواست، هه‌روه‌ها پوخته‌يه‌كى ده‌رباره‌ى دۆخى سياسيى عيراق و پێشبينييه‌كان بۆ داهاتووى پرۆسه‌ى سياسى له‌ وڵات و تێپه‌ڕاندنى دۆخه‌كه‌، خسته‌ ڕوو.

هه‌ردوولا په‌يوه‌ندييه‌كانى ئه‌مه‌ريكايان له‌گه‌ڵ عيراق و هه‌رێمى كوردستان تاوتوێ كرد و جه‌ختيان له‌ خواستى دوولايه‌نه‌ بۆ بره‌ودان به‌ په‌يوه‌ندييه‌كان و فراوانكردنى بواره‌كانى هاريكاريى هاوبه‌ش دووپات كرده‌وه‌، به‌تايبه‌تى له‌ بوارى وه‌به‌رهێنان و سه‌رمايه‌گوزاريى ئه‌مه‌ريكيدا له‌ عيراق و هه‌رێمى كوردستان.

هه‌ردوولا هاوڕا بوون له‌سه‌ر ئه‌وه‌ى پێويسته‌ هێز و لايه‌نه‌ عيراقييه‌كان پێكه‌وه‌ كار بكه‌ن و هاريكار بن بۆ دۆزينه‌وه‌ى ڕێگه‌چاره‌ى ده‌ر‌چوون له‌ چه‌قبه‌ستوويى و بنبه‌ستى سياسى و ڕووبه‌ڕووبوونه‌وه‌ى ته‌حه‌دييه‌كان و دابينكردنى ئارامى و سه‌قامگيريى سياسى و ئه‌منى له‌ وڵات.

گۆڕانى كه‌شوهه‌وا و كاريگه‌رييه‌كانى له‌سه‌ر عيراق و هه‌رێمى كوردستان و چۆنيه‌تيى ڕووبه‌ڕووبوونه‌وه‌ى دۆخى ناوخۆى هه‌رێمى كوردستان، په‌يوه‌ندييه‌كانى هه‌ولێر ـ به‌غدا، مه‌ترسييه‌كانى تيرۆر و به‌ره‌نگاربوونه‌وه‌ى داعش، دۆخى ناوچه‌كه‌ به‌گشتى و چه‌ند پرسێكى ديكه‌ى جێى بايه‌خى هاوبه‌ش، لايه‌نێكى ديكه‌ى ديداره‌كه‌ بوو كه‌ به‌ڕێز ڕۆبێرت پاڵادينۆ، كونسولى گشتيى ئه‌مه‌ريكا له‌ هه‌رێمى كوردستان ئاماده‌ى بوو.

Top