پاسەوانی کەناراوەکانی تونس 72 کۆچبەری نایاساییان ڕزگار كرد
هێزەکانی پاسەوانی کەناراوەکانی تونس لە کەناراوەکانی جرجیس و قەرقنە 72 کۆچبەری نایاساییان لە مەترسیی خنکان ڕزگارکرد.
وەزارەتی بەرگری تونس بەیاننامەیەکی بڵاوکردەوە و ڕایگەیاند: کە دوو بەلەمی هەڵگری کۆچبەرانی ئەفریقیی نایاسایی لە کەناراوەکانی شاری جرجیس و دوورگەی قرقنە، كە بەنیازبوون بە نایاسایی بگەنە وڵاتانی ئەوروپا، لەلایەن پاسەوانی كەناواوەكان ڕێگرییان لێ كرا.
بەپێی راگەیەندراوەکە، هێزەکانی پاسەوانی کەناراوەکانی تونس 42 کەسیان لە دوو ئۆپەراسیۆنی جیادا لە کەناراوەکانی جرجیس و 30 کەس لە کەناراوەکانی قرقنە لە مەترسی ڕزگارکردووە.
گوڵان: سەردار خەلیل
