کوژرانی 8 كەس لە کامیرۆن لەبەردەم یاریگای جامی نەتەوەکانی ئەفریقیا
ئێوارەی ڕۆژی دووشەممە لە قەڵەباڵغیی جەماوەر و لە ئەنجامی دروست بوونی دووبەرەكی و گرژی لە نێوان لایانگرانی هەردوولا لە بەردەم یاریگای یاووند لە پایتەختی کامیرۆن هەشت كەس کوژران و نزیکەی 50 كەسیش بریندار بوون.
ئەو پێكدادانە بەر لە دەست پێ کردنی یاریی تۆپی پێیی نێوان کامیرۆن و کۆمۆر لە جامی نەتەوەکانی ئەفریقیا ڕوویدا .
بە گوێرەی وەزارەتی تەندروستیی کامیرۆن، هەشت كەس کوژراون و50 كەسیش بریندار بوون، یەكێك لە بریندارەكان منداڵ بوو.
وەزارەتی ناوبراو ڕایگەیاند: كە قوربانییەکان دەستبەجێ بە ئامبولانس گەیەنراونەتە نەخۆشخانە بەڵام "هاتووچۆی قورسی ڕێگاکان گواستنەوەیان خاوکردۆتەوە" و بووە هۆی گیان لە دەستدانیان..
هەروەها منداڵێک لە ژێر پێی جەماوەر دەمێنێتەوە، بەڵام دواجار ڕزگارکرا و دەستبەجێ گەیەندرایە نەخۆشخانە و لە ئێستادا لە دۆخێکی تەندروستی جێگیردایە.
ڕووداوەکە لە کاتێکدا ڕوویدا کە ئەفسەرەکان هەوڵی پشكنینی بڕوانامەی تەندروستیی بەشداربوانیان دەدا پێش ئەوەی بچنە ناو یاریگاكەوە.
گوڵان: سەردار خەلیل
