بەمەبەستی زیاتر پتەوکردنی پەیوەندییەکان لەگەڵ وڵاتی میسر، شێرکۆ حەبیب بەرپرسی مەکتەبی پارتی دیموکراتی کوردستان لە وڵاتی میسر سەردانی بارەگای ئەنجوومەنی پەرەپێدانی لاوانی میسری کرد، و لەلایەن سەرۆکی ئەنجوومەنی لاوان دکتۆر محەمەد مەمدوح و ئەندامانی پێشوازی گەرمی لێکرا، و دکتۆر محەمەد خۆشحاڵی خۆی دەربڕی بۆ ئەم سەردانە و هیوای خواست کە بتوانن زیاتر پەیوەندییەکان لە نێوان گەلی کوردستان و میسر بەرەو پێش ببن، و ئامادەی خۆی دەربڕی بۆ هەر هاوکاریەک کە دەبێتە هۆکاری زیاتر لێک تێگەیشتن.
لە لای خۆیەوە بەرپرسی مەکتەبی پارتی لە قاهیرە سوپاسی ئەو پێشوازییە گەرمەی کرد، و ئاماژەی بە پەیوەندی مێژووی نێوان میسر و گەلی کورد، رۆڵی سیاسی میسر کرد سەبارەت بە کوردستان، و هیوای خواست زیاتر پەیوەندییەکان بەرەو پێش ببەن و هاووڵاتیانی میسری زیاتر ئاشنا بن بە مێژوو و کەلتوری کورد، هەروەها ئامادەی خۆی نیشاندا بۆ هەر هەماهەنگی و کاری هاوبەش کە دەبێتە زیاتر لێک تیگەیشتین.
شایانی باسە ئەنجوومەنی پەرەپێدانی لاوان لە میسر رێکخراوێکی ناحکومییە پەیوەندی لەگەڵ چەندین رێکخراوی نێوەدەوڵەتی هەیە بەمەبەستی پەرەپێدانی کۆمەڵایەتی و ئابووری و رۆشنبیری.