لە داهاتوودا مرۆڤەكان بەتەنیا دەفڕن

گەر سەیری فیلمە زانستی خەیاڵییەكان بكەی، لە زۆریان دا دەبیندرێ مرۆڤ دەفرێت. ئامێرێكی بچووك توانای ئەوەی هەیە مرۆڤێكی گەورە هەڵبگرێت و وەك باڵندە بەرەو بەرزایی بیفڕێنێت. لەم ماوەیەدا ئەم خەیاڵە زانستیە وەڕاست گەڕاوە و كۆمپانیایەكی ئوسترالی ئامێرێكی فڕینی بەناوی (CppterPack) بەرهەم هێناوە. ئەم ئامێرە فڕۆكە كە بەم دواییە فیلمێكی ڤیدیۆیی لێ بڵاوكراوەتەوە لەو فیلمەدا دەبیندرێ كە كەسێك ئامێرەكەی لەخۆی بەستووە و وەك فیلمە خەیاڵی زانستییەكان بەرەو ئاسمان دەفڕێت.

ئامێرەكە وەك كۆڵەپشتییەكە و لە دوو قوڵی لێخوڕەكەی دوو پەروانە هەیە. رێك وەك كوادكۆپتەرەكان. سەبارەت بەو ئامێرە كە هێشتا لە كاتی تاقیكاری و ئەزمووندایە هەندێك رەخنە هەیە وەك ئەوەی ئەو پەروانانە كە بەلای راست و چەپی لێخوڕەكەدایە كێشە دروست دەكەن، لێخوڕەكە یان دەبێ هەتا شوێنی مەبەست باسك و قوڵی نەجوڵێنێ، یان دەبێ رێگا چارەیەكی دیكە هەبێ. هیچ زانیارییەكیش سەبارەت بە وزەی بەگەڕخەری ئامێرەكە نییە.