پارتی حزبەکە کو یا ژ ئاخینک و برینێن کویر و روندکێن ملەتەکێ لێقەومای و بندەست درست بووی و ئایدولوژیا و ئارمانجا وێ یا سەرەکی هەردەم بدەستڤە ئینانا مافێن ڕەوایێن خەلکێ کوردستانێ و سەپاندنا یەکسانیێ و ئاڤا کرنا جڤاتەکێ مروڤ دوست و نیشتمانپەروەر بوویە. د ڤی سەردەمێ تەکنولوژیا و هەڤڕکیێن سیاسیێن دەرەکی و ناڤخویی دا زۆر یا فەرە کو پارتی پێداچوونەکێ د سیاسەتا خو دا بکەت و هەوڵ بدەت هەمی شیانێن خو بمەزێخیت بۆ پەروەردە کرن و ئاڤا کرنا مروڤێ نیشتمان دوست. پارتی هێڤێنێ هەمی شوڕش و بەرخودانایە و وەک پارتەکا سیاسی و شوڕشگێرا دایک دهێتە هژمارتن و هەردەم خۆ ب خودانا سەرەکی یا خەلکێ کوردستانێ زانیە و ڕولێ دایکێ ژی ئەوە ب هەمی شیانێن خو ئو د هەمی قوناخێن خوش و نەخوش دا زارویێن خو لسەر بنەمایەکێ نیشتمانپەروەری و ووڵاتپارێزی و خوراگریێ پەروەردە بکەت. د ئاڤاکرنا تاکێ نیشتمانپەروەردا زۆر خەمساریا هاتی کرن و ئەڤ ئەرکە ژی دکەڤیتە ستویێ خودانێن راستەقینەیێن دوزا پیرۆزا خەلکێ کوردستانێ، کو پارتا دیموکراتا کوردستانێ یە و پێتڤیە هەمی شیانێت خۆ بکار بینیت بۆ ئاڤا کرنا تاکێ وولاتپەرست.
د ڤێ هەلکەفتا پیرۆز دا سەرێ رێز و نەوازشێ دچەمینین بۆ گیانێ پاکێ تەڤایا شەهیدێن رێیا ئازادیێ. هەروەسا سەرێ رێز و نەوازشێ دچەمینین بۆ هەمی وان کادرێن دلسوزێن ڤێ رێبازێ کو د هەمی قوناخان دا بدلەکێ پاک و بهەستەکێ کوردپەروەری بەردەوامیێ ددەنە خەباتا خۆ.

پیروزە لمە هەمیان و تەمەن درێژی بۆ سەروەر و لێڤەگەرێ کورد سەروک بارزانی.