بۆ یەكەمجار مەلەوانگەیەكی شێوە جیاواز بەڕووی گەشتیاراندا كرایەوە .

ئەگەر چی لەسەرانسەری جیهاندا پێشكەوتن بووەتە هۆی جیاوازی لە دیزاینكردنی باڵەخانەكاندا بەڵام هێشتا دەرگاكان بە كراوەیی دەمێنن بۆ كاری سەرنج ڕاكێشتر چونكە ئەندازیارەكان هەمیشە هەوڵی بیرۆكەی نوێ و كار جوانتر دەدەن .

لە شاری (لەندەن)ی وڵاتی بەریتانیا مەلەوانگەیەكی نوێ بەناوی(sky pool) كرایەوە كە هەموو بەشەكانی بە شووشە درووستكراوەو لە نێوان دوو باڵەخانەو لە بەرزایی 35 مەتر لەسەر ڕووی زەوییەوە بونیاد نراوە, درێژایی ئەم مەلەوانگەیە 25 مەترە كە بەشی ناوەڕاستی لە هەوادا لە نێوان دوو باڵەخانەكەدایەو درێژایی 14 مەترە, هەروەها بە قوڵایی 3 مەتر .

ئەم مەلەوانگەیە كە هەموو تەواو ڕوونەو هیچ تەنێكی لەسەر نابینرێ, لە (كۆلۆرادۆ)ی ویلایەتە یەكگرتووەكانی ئەمریكا كار لەسەر دیزاین و هەڵبژاردنی مادەكانی كراوە بۆ درووستكردنی, هەروەها ماوەی گواستنەوەی لە ویلایەتی تێكساس تاكو شاری ڵەندەن لە بەریتانیا ماوەی 3 هەفتەی خایاندووە .