كاروان بەردەوام دەبێت با ناحەزیش هەر هاواری بێت
May 3, 2017
وتار و بیروڕا
هەر بۆیەش بەدەیان سایتی قولابی لێرەو لەوێ ڕاپرسی ساختەكارانە نمایش دەكەن و دەیانەوێ پێش وەختە سەرنەكەوتنی هەوڵی سەربەخۆیی نیشان بدەن كە دیارە ئەوەش بە بەرژەوەندی دووژمنە دێرینەكانی گەلەكەمان دەشكێتەوە.
ئێمە لە دووژمنە سەرسەختەكانی داخوازی ڕەوای گەلەكەمان بۆ سەربەخۆیی و ئازادی تێدەگەین كە لایان وایە هەموو دەستكەوتێك بۆ كورد لە زیانی ئەوانە كە لەڕاستیدا بەوجۆرە نییە بەڵكو دان نەنان بەڕاستیی ئەو زوڵمە مێژووییەدا كە چەندین سەدەیە لەگەلەكەمان دەكرێت بەزیانی ئەوانیش گەڕاوەتەوە و بۆتە مایەی پشێوی نێو وڵاتەكانیان و ماڵوێرانیش بۆ هەردوولا.
بەڵێ ئێمە لەو بۆچوونە چەوتە دەگەیەن، بەڵام ئەوەی جێی سەرسوڕمانە ئەم هات و هاوارە بێ جێیەی نێوخۆمانە كە لەوان زیاتر و پەرۆشی سەرنەكەوتنی ئەم پڕۆسەیەن و دوو دڵ كردنی هاووڵاتیانن فەرموو یەكێك دەڵێت »ڕیفراندۆم درۆ و فریودانێكی دیكەیە«و ئەوی دی دەڵێت »پەردەپۆشكردنی سەرجەم قەیرانەكانی هەرێم« و ئەوی تر دەڵێ »بۆ بەهێزكردنی پێگەی پارتییە« و زڕە سیاسیەكیش دەڵێ »كەس نازانێ چۆن ڕیفراندۆم ئەنجام دەدرێت« و هەشە دەڵێ »ڕیفراندۆم بێ پەرلەمان وەك دروستكردنی مزگەوتە بە پارەی حەرام "! یان»بێ كاراكردنەوەی پەرلەمان ڕیفراندۆم شەرعیەتی نابێت" و دەیان پاساوی بێ جێتر كە مەبەست تەنها ساركردنەوەی خەڵكی یەو دڵخۆشكردنی نەیارانی هەرێم و كوردە و هیچی تر.
نە تەنیا ئەوەش هەندێك لەوە زیاتر پێی لێ هەڵدەبڕن و زۆر بە ئاشكرا لە دووژمنانی كورد زیاتر دژایەتی ڕیفراندۆم و سەربەخۆیی دەكەن و داوا و پێشنیاردەكەن بۆ ڕەتكردنەوەی ڕیفراندۆم بە »نەخێر دەنگ بدەن« و وەك ئەوەی سەربەخۆیی دژی كورد بێت و ژێردەستەیی لە بەرژەوەندی بێت كە ئەمە لۆژیكێكی هیند فریودەر و قێزەونە مەگەر هەر ئەمجۆە نەخۆش و قەڵەم فرۆشانە بڕوای پێبكەن، دەنا هەموو كوردێكی خاوەن هەست و سۆزی نیشتمانی دەبێت ئاگای لەو هەموو ماڵوێران و كوشت و بڕ و قوربانیدان و ئەنفال و كیمیاباران و سەركوت كردنەبێت كە نموونەكانی هێندە زۆرن كە پێویستی بە نموونە نەبێت، بەڵام لەگەڵ هەموو ئەم ناحەز و نەیارەشدا گەلەكەمان بە دڵ گەرمیەوە بەرەو ڕیفراندۆم دەچێت و بڕیاری چارەنووسسازی خۆی دەدات، چونكە مەگەر تەنها ئەمانەی چاویان سەربەخۆیی كورد هەڵنایەت و بیانەوێت خۆیان بخزێننە نێو بەرەی نەیار و دوژمن دەنا هەموو كوردێكی وڵاتپەرست و خاوەن شەرەف خۆشحاڵ دەبێت بەو بڕیارە و كاروانی سەرەبەخۆییش بەردەوام دەبێت و با ناحەزیش هەر حەپەی بێت.