چیرۆکا رۆژا ئەڤینداریێ یان ئەڤیندارا بۆ سەرێ سیێ یێ زایینی دزڤریت ، کۆ یا گرێدایە ب ئمبراتۆرێ رۆمانی ( کلۆمیوسێ دوویێ ) و ئاییندارەکێ مەسیحی بناڤێ ( ڤالنتینۆس ) ، دڤێرەدا من نەڤێت لسەر ئەگەر و چاوانیا ڤێ روودانێ و دەست نیشانکرنێ ڤێ رۆژێ باڤم .
لێ دەست نیشانکرنا رۆژا ئەڤینداریێ گرنگە ھەبیت داکۆ ببیتە ھاندانەک بۆ بەرپابوونا رەوشتێ ئەڤینداریێ دناڤ مرۆڤایەتیێ دا ، نەک تنێ بۆ وێنەگرتنێ و تێکەلبوونا ھەردوو رەگەزا کۆ دووری رەوشت و بنەمایێن ئایینی و جڤاکی بن ، حەژێکرن و ئەڤینداری دناڤبەرا مرۆڤان دا ب رۆژەکێ درۆست نابیت بەلکی پێتڤی یە پرۆسەیەکا بەردەوام بیت داکۆ بەختەوەریا جڤاکی ھەبیت .
ئەگەر ڤیانا تە بەرامبەر حەژێکەرێ تە یان حەژێکەرا تە یان نەتەوە ، وەلات ، جڤاک ، دایک ، باب و برایێن تە تنێ د ئێک رۆژ دا بیت ب پێشکێشکرنا گۆلەکا سوور نابیتە نیشان ئەژێکرنا تە بۆ وان و وی و بەختەوەریا جڤاکی .
حەژێکرن راستگۆیی و رێزگرتنە بەرامبەر خودێ و خەلکی و وەڵاتی، ئەز باوەرم زۆر ل وان کەسێن د رۆژا ڤالنتایینێ دا ( ١٤ / ٢ ) گۆلێن سوور پێشکێشی ئەڤیندارێن خۆ دکەن ، یان پەیام و حەژێکرنا خۆ ل راگەھاندنێ و سۆشیال میدیایێ بەڵاڤ دکەن ، لرۆژێن بەرتر و پاشتر لگەل خەلکەکی د سل و دلمایی نە ، ھندەک ژوانا دگەل نێزیکترین و خۆشتەڤیترین کەسێن خۆ نائاخڤن مینا دایک و بابا ، یان لگەل ھەڤال و جیرانێن خۆ ، یان پشکەک ل ھەو و پیلانێن تێکدەرانە یێن جڤاکی و وەڵاتی و ..... ھتد
ئەگەر ئەم راست بێژین کۆ ئەڤیندارێن راستەقینەینە بەردەوام دێ کەسێن چاکساز و جڤاکساز و راستگۆ بین بەرامبەر خودایێ مەزن و جڤاکی و وەڵاتی، کار و رەفتارێن مە دێ دخزمەتا بەرژەوەندێن گشتی دا بن و بینە فاکتەرێ ئاشتەوایا جڤاکی و رێزگرتن و پێکڤە ژیانێ ، ئەڤەیە ئەڤینداریا راستەقینە .
ئەگەر رەفتار و سەرەدەریێن مە بڤی رەنگی بانە رۆژانە پەیامێن خۆکوشتن و خۆ سۆتنا خەلکی نەدگەھشتنە مە بتایبەت لاوان ...!
یان رێژا ژێک جودا بوونا ھەڤژینا بەردەوام د زێدەبوونێ دا نەد بوو .
بلا رۆژا ئەڤینداریێ ( ڤالنتایین ) ببیتە فاکتەرێ لێبورینێ و ئاشتەوای و بەرختەوەریا جڤاکی و نەھێلانا کەرب و کینێ و دووبەرەکیێ و بەرەڤ حەژێکرنەکا زێدەتر بچین بۆ خودایێ مەزن و گەل و وەڵاتی و مرۆڤایەتیێ و برایەتیێ و پێکڤە ژیانێ .
ھەر وەکی خودایێ مەزن ئەمر کری :
( لا خَيْرَ فِي كَثِيرٍ مِّن نَّجْوَاهُمْ إِلاَّ مَنْ أَمَرَ بصَدَقَةٍ أَوْ مَعْرُوفٍ أَوْ إِصْلاَحٍ بَيْنَ النَّاسِ وَمَن يَفْعَلْ ذَلِكَ ابْتَغَاءَ مَرْضَاتِ اللّهِ فَسَوْفَ نُؤْتِيهِ أَجْرًا عَظِيمًا )
، سورە النساء اڵایە ١١٤ .
ئەگەر ئەژێکرنا مە بۆ کەسێن بەرامبەر یان جڤاکی تنێ د رۆژەکێ دابیت نابیتە حەژێکرنەکا بەردەوام و فاکتەرێ بەختەوەریێ ، دیسان ئەگەر تنێ لرۆژا ١٤ /٢ ھەژێکرنا خۆ بۆ ھەڤژین و حەزکریا یان حزکریێ خۆ دیار بکەین، پێنەڤێن خۆ ماندی بکەین و ئەگەر لڤێ رۆژێ ب دڵمانی و تۆڕەیی ژی دەربکەین چەند دەم ژمێرەکن دێ بۆریت . لێ پێتڤی یە لدیڤ رێکێن حەژێکرنا بەردەوام بگەرێین کۆ ببیتە ئەگەرێ بەختەوەریا خێزانێ و جڤاکی و وەڵاتی