هەرچەندە پارتیا کارکەرێن کوردستانێ ب بلندکرنا درۆشمێن نشتیمانی و ئازادکرنا کورد و کوردستانێ دامەزراندنا خۆ ڕاگەهاند و پاشان پ ئێکپارچەبوونا کوردستانێ و دامەزراندنا دەولەتەکا کوردستانی کرە درۆشمێ خۆ یێ راگەاندنا شەرێ چەکدری دژی دەولەتا تورکیا ل 15 تەباخا سالا1984ێ .
لێ پشتی دەربازبوونا نێزیکی 37 ساڵان بسەر راگەهاندنا شەرێ چەکداری نەشیانە بنگەهـ و بارەگایەکی ل دەڤەرەکا رزگارکری یا باکوورێ کوردستانێ ئاڤا بکەن .
شۆرەش و بزاڤێن رزگاریخواز یێن مللەتێن بن دەست و داگیرکری ژبووی رزگاریێ و نەهێلانا داگیرکاریێ نە ، ئەگەر ئەو بزاڤ و شۆڕەش د چەکداری بن بەرێ چەکێ وان دێ ل لەشکرێ داگیرکارا بیت داکۆ لسەر ئاخا خۆ دۆر بێخن .

لێ پەکەکێ لجهێ شەری دژی لەشکرێ وەڵاتی تورکیا بکەت ل باکوورێ کوردستانێ هێزێن خۆ ئیناینە باشوورێ کوردستانێ کۆ نێزیکی سیهــ ساڵایە هاتیە رزگارکرن و خودان سەرۆکاتی و پەرلەمان و حکومەتا خۆیە و هەرێمەکا دەستووری یە دناڤ عیراقا فیدال دا .
هاتنا چەکدارێن پەکەکێ چەندین ساڵە ژبلی تێدانا رەوشا ئارامیا سەدان گۆندا ، رێگریەکا راستەوخۆ ل خەلکێ ڤان گوندان دکەن بۆ سەخبێرکرنا بەرهەمێن چاندنێ و گەهشتیە ئاستێ پشکەکا بەرهەمێن خەلکی بچنن و باجێ لێ وەربگرن . ژلایێ لەشکری ژی دەرفەت بۆ لەشکرێن تورکیا رەخساند بەردەوام گوندێن هەرێما کوردستانێ بۆمبەباران بکەن و خەلکی شەهید و بریندار و ئاوارە بکەن .
ژلایێ سیاسی ژی هێزێن پەکەکە خۆ ب دەسهەڵات و رێڤەبەرێن زۆر دەڤەرێن هەرێما کوردستانێ یێن ئازادکری دادنێن و رێگریێ ل هەمبەر گەهاندنا پرۆژێن خزمەتگۆزاری دکەن .
برەنگەکێ کشتی هێز و چەکدارێن پەکەکە زیانێن هەری مەزن گەهاندینە پاشوورێ کوردستانێ ژلایێ ئابووری و جڤاکی و سیاسی .
ئەڤە سەرەدەریا پەکەکە بەرامبەر هەرێما کوردستانێ جهێ حیبەتیێ یە، چونکی خۆ ل هێز و رێکخستنەکا رزگاریخوازیا کوردستانی دیار دکەت و بووینە داگیرکارێن کوردستانێ و تێکدانا رەوشا کوردستانیا...! ، ژلایەکێ دیتر هێزێن پەکەکێ بۆینە هێزا راکێشانا لەشکرێن وەڵاتان بۆ داگیرکرنا کوردستانا ئازاد ، ژوانا لەشکرێ تورکیا ...! گۆرەپەنا خۆ یا سیاسی و لەشکری ل باکوورێ کوردستانێ ڤەگۆهاستیە باشوور ، ئەڤ ئۆپەراسیۆن و بۆمبەبارانکا لەشکرێ تورکیا ب بەهانەیا پەکەکێ یە .
ئەگەر پەکەک خۆ ب حزب و چەکدارێن ئازادیخواز و بەرهنگارکرێن هێزێن داگیرکار دبینیت ، بلا ببنە فاکتەرێن بەردەوامیا ئازادی و ئارامی و ئاڤەدانیا باشوورێ کوردستانێ و شەرێ خۆ ببنە کۆڕەپانا خۆ یا سیاسی ل باکوور و ل وێرێ شەرێ هێزێن داگیرکار بکەن نەک ل باشوورێ ئازادکری .
لێ ئەڤە ب پیلانەکا دژی قەوارێ هەرێما کوردستانێ دهێتە دیتن کو پەکەکێ نەڤێت باشوورێ کوردستانێ یێ ئازادکری بەردەوام بیت و پێشڤە بچیت ، ئەڤەژی خزمەتەکا زۆرە بۆ هێزێن داگیرکار و دوژمنێن کوردستانێ ، دیارە کۆ پەکەکە هێزا راکێشانا لەشکرێن داگیرکارایە بۆ تێکدانا ئازدیا باشوورێ کوردستانێ ، نەک هێزا رزگاریخواز و بەهنگاریا لەشکرێن داگیرکار .
پێتڤی یە پەکەکە و هەمی هێز و ئالیێن کوردستانێ یێ هەرێما کوردستانێ و پارچێن دیتر تایبەتمەندی و بەرژەوەندیا باشوورێ کوردستانێ لبەرچاڤ بگرن و پشتەڤان بن بۆ پاراستن و پێشڤەچوونا قەوارێ هەرێما کوردستانێ یێ ئازادکری کۆ تاکە پەنجەرا گەشا هیڤی و ئۆمێدا تەڤایا کوردستانیا یە ل سەرانسەرێ جیهانێ .