په‌كه‌كه ل باشۆر مینا رێكخراوه‌كا تیرۆرستی دخەبتە !
ھۆگر نێروەیی
پشتی رێكه‌فتنا شنگالێ د ناڤبه‌را حوكمه‌تا هه‌رێما كوردستانێ و حوكمه‌تا عیراقێ هاتیه كرن ل ژێر چاڤدێریا (یوئێن و هه‌ڤپه‌یمانان)، كو ئێك ژ وان خالێن سه‌ر رێكه‌فتین ئێدی چو هێزین نه‌شه‌رعی ل شنگالێ نامینن ژبۆ ھندێ جارەکا دن دەست ب ئاڤەدانیێ بھێت کرن و ئارامی و ئاسایش بەرقەراربە و خەلکێ شنگالئ ڤەگەریتە باژارێ خوە بۆ ژیان کرنێ ، پارتا كرێكارێن كوردستانێ (په‌كه‌كه) چه‌ندین جاره ئاوازێن شه‌ڕی براكوژیێ لێدده، ده‌ستپێكێ ئه‌فسه‌ره‌كێ ئاسایشا هه‌رێما كوردستانێ ل جه‌م زارۆیێن وی شه‌هیدكر، پاشان سه‌ركردێن په‌كه‌كێ مینا (جه‌میل بایك و موراد قه‌ره‌یلان) چه‌ند داخویانیێن ئاگرین دا كوه بێهنا خوینێ و شه‌ڕی لێ دهات، پێشیا چەند ڕۆژان بۆریا نه‌فتا هه‌رێما كوردستانێ بۆ توركیا ته‌قاند كوه ئه‌ڤ كاره ب تنێ كارێن رێكخراوێن تیرۆریستی نه، گه‌ر په‌كه‌كه مه‌به‌ست بیت زیانێ بگه‌هینته توركیا كو ب دوژمن دزانه دكاری بۆریا ئیران بۆ توركیا بپه‌قینه، لێ په‌كه‌كه ناڤ وان هه‌می بۆریان هات بۆریا هه‌رێما كوردستانێ ته‌قاند، كو موووچه و ژیانا خه‌لكی ل سه‌ره، داوی کارێ وان ژبۆ خۆشکرنا ئاگرێ شەڕی ل باشو بومبەکا چاندی ب ئوتومبێلا ھێزیت پێشمەرگەی ڤە تەقاند و ل دیڤ دا یەکسەر تەقە ل ھێزێت پێشمەرگەی کرن بۆ ئەگەرێ شەھیدکرنا پێشمەرگەکێ و بریندارکرنا دوو پێشمەرگان ، لێ تا نھا سەکردایەتیا باشور چو بەرسڤ نەبوینە دان بخوەدا گرتیە ھەمی پێکولا ژی دکە ئاگرێ شەڕی بڤەمرینە ئەوێ ژ ئالیێ پەکەکێ ڤە دھێتە خوەشکرن ،
په‌كه‌كه ئاماده‌نینه ل شنگالێ خوه ڤه‌كێشیت كو پرانیا خه‌لكێ شنگالێ كوردن ب به‌هانایا شه‌ڕ كریه و شنگال پاراستیه، لێ شارێن دن یێن عه‌ره‌بنشین چه‌ندین خورتێن كوردان كرنه قوربانی بێ هیچ مه‌رجه‌كێ دانه ده‌ست خوه ڤه‌كێشا، ل باژارێ (دێره‌زورێ) كو شاره‌كێ عه‌ره‌بنشینه ل سووریێ ل سالا 2016 ده‌ستێن داعش دا بوو په‌كه‌كێ چه‌ندین کەچ و خورتێن كوردان كرنه قوربانی ژ ده‌ست داعش ئیناده‌ر بێ هیچ مه‌رجه‌كێ دا ده‌ستێن سۆپایێ سووریێ خوه ڤه‌كێشا، هه‌روه‌سا ل منبج چه‌ندین شه‌هید دان، لێ بێ هیچ مه‌رجه‌ك خوه ڤه‌كێشا دا ده‌ستێن سۆپایێ سووریێ،
په‌كه‌كه چل ساله زێده‌تر دامه‌زریه لێ نكاریه ئێك بوهۆست ژ ئاخا كوردستانا مه‌زن رزگاربكه و چه‌ندین ساله ل باشۆرێ كوردستانێ یه مینا رێكخراوه‌كا تیرۆریستی دخه‌بته، زارۆیان دره‌ڤینه، دراڤی ژ خه‌لكی وه‌ردگره مالان دسۆژیت، گوندان تالان دكه و داگیردكه و رێگریێ ل خه‌ڵكی دكه كوه ڤه‌گه‌رنه گوندێن باب و كالێن خوه، دانپێدانێ ب چو هێزێن شه‌رعی و حوكمه‌تا هه‌رێما كوردستانێ ناكه‌ت، به‌هانایا ب وه‌لاتێ توركیا دده كو ئاخا كوردستانێ داگیربكه، بوویه ئه‌گه‌ر كوه چه‌ندین خه‌لكێ سڤیل شه‌هید ببیت، سۆپایێ توركیایی چه‌ندین ژ ئاخا باشۆرێ كوردستانێ داگیربكه ب به‌هانه‌یا په‌كه‌كێ كو ل هه‌می جیهانێ ب رێكخراوه‌كا تیرۆرستی ل قه‌له‌مدایه.
حوكمه‌تا هه‌رێما كوردستانێ چه‌ندین جاره داخواز ژ په‌كه‌كێ كریه كوه شه‌ر و چالاكیێن خوه ل ئاخا كوردستانێ ببه‌ته جهه‌كێ دن ل ڤر حوكمه‌تا فه‌رمی و هێزه‌كا فه‌رمی هه‌یه دكاریت خوه بپارێزیت، لێ په‌كه‌كه هه‌ر تشته‌كێ ره‌تدكه دزانیت كوه بارزانی شه‌رێ كورد و كورد حه‌رام كریه، له‌وما په‌كه‌كه بخوه ئه‌ڤێ بكاردئینه گوه ناده‌ته چو تشتان، لێ ئه‌ڤ سه‌بره تا داویێ نابیت ئه‌گه‌ر برایێ مرۆڤ هه‌رده‌م شه‌ڕفرۆش بوو و شه‌ر ئینا ل ناڤمالا مرۆڤی و پێکولا بکەت ئارامیا ھەرێما کوردستانێ تێکبدە و دچالاکیێت خوە یێت تیرۆریستی بەردەوام بە ل وی ده‌می مینا چاڤێ کوردان تەماشەی پەکەکێ ناکەین دێ ناچار بین به‌رگریێ ژخوه بكه‌ین ب هه‌ر ئاوایه‌كێ بیت ژبۆ پاراستنا ئارامی و ئاسایشا ھەرێماکوردستانێ و پاراستنا جانێ خەلکێ خوە.
