شۆرەشی ئەیلول وەکو شۆرەشێکی جەماوەری و نەتەوەیی سەرتاسەری، وەرچەرخانێکی مێژوویی بوو لە بزاڤی رزگاریخوازی گەلی کورد دا.
قوتابخانە و فێرگەیەکی خەبات و هەستی نەتەوایەتی بوو، کە هزرو دیدی لە کەلتوری پر بهای بارزانی نەمر وەرگرتبو، پەیامی گەلێکی زولم لێکرا لە پێناو ماف و ئازادی،
وەڵامێک بو لە دژی زولم و ستەم.
شۆرەشی مەزنی ئەیلول نەک تەنها شۆرەشێکی چەکداری بوو، بەڵکو شۆێەشێکی هزری نەتەوایەتیش بوو، کە بووە هۆی پەیدا بوونی یەکریزی لە ناو کۆمەڵگای کوردەواری دا، تەک تەنها لە باشور بەلکو لە تەواوی کوردستان.
شۆرەشی ئەیلول پرسی کوردی گەیاندە قۆناغێکی تر لە ناوچەکەدا،
دەرهاوێژتەی زۆر گرنگی بە دواوە هات لە رووی لەشکری و سیاسی یەوە بە هۆی لێهاتوویی هێزی پێسمەرگە و سیاسیەتە حەکیمانەی سەرکردایەتی شورەش و شەخسی بارزانی نەمر.
له دەستکەوتەکانی شۆرەشی ئەیلول چۆک دادان بە رژێمی ئەو سەردەمی عیراق و ناچار کردنی بۆ دانوستاندن و دواتر و بۆ یەکەم جار لە مێژوودا کورد بە فەرمی وەکو نەتەوە ناسێندرا لە چوارچێوەی دەولەتی عیراقدا، پرۆژەی ئۆتۆنۆمی وەکو یەکەم دەستهەڵاتی کورد و خۆ بەرێوەبردن بە دەست هات، کە لە رێکەوتنی ١١ی ئاداری ١٩٧٠ لە نێوان سەرکردایەتی شۆرەش و رژێمی عیراقی هاتە کایەوە، کە لە بەیانی ١١ی ئادار ناسراوە.
ئەگەر چی رژێمی عیراق خۆی لە جێ بە جێ کردنی رێکەوتنەکەش دزیەوە، بەڵام بەیانی ١١ی ئادار دەستکەوتێکی گەورەی مێژوویی یە بۆ گەلی کورد.
بەردەوامی دان بە خەبات و هەرچی دەستکەوتیش بەدەست هاتبێت لە دوای شۆرەشی ئەیلول و تا ئێستا لە تەواوی ویستکەکانی خەباتی چەکداری و سیاسی دا، لە بناغە هزری و نەتەوەییەکەی شۆرەشی ئەیلولەوە وەرگیراوە.
شۆرەشی ئەیلول بناغەی شۆرەشێکی بەردەوام دەبیت و پردێک دەبیت بۆ گەیشتن بە کەنارەکانی ئازادی و سەربەخۆیی.
بەرز و شکۆدار بیت یادی شۆرەشی ئەیلولی مەزن
هەزاران سڵاو لە گیانی پاکی شەهیدانی شۆرەشی مەزنی ئەیلول و تەواوی شهیدان کاروانی کوردایەتی و سەرکاروانی شەهیدان بارزانی نەمر و کاکە ئیدریسی هەمیشە زیندو