بیرەوەریا شەش سالیا جینوسایدا ئێزدیا،هاوارو و قرکرنا خەلکێ شنگال،کو مەزنترین تاوانێت دژی مرۆڤایەتیێ بوون سەرەخوشیێ ل قوربانیێت جینوسایدا شنگال دکەین.ل 3_8_2014 ل دەمێ هاتنا تیرۆرستێن داعش،ئیکەم هێڕشا خۆ دەست پێکرن،بۆ ناڤ ئاخا شنگالێ بوو.ژبەر ڤێ چەندێ رێژەیەکا کوردێن ئێزدی،کەتنه دناڤ دەستێ ڤێ رێکخراوا تیرۆرستی یا ترسناك دا. کوردێن ئێزدی دەربەدەرکرن کەفتنە دبن زولم زۆرداریێ و دەست درێژکرنا سەر وان هەولاتیێن ئێزدی ل شنگالێ دا دژیان،نەچاربوون مال سامان و کشتوکالێ خۆ بجهێلاتن،بەرەڤ چیایێ ڤه بچن داکو ژیانا خوه ژ زولم و زۆرداریێ پارێزن.هەروەسا ل دەمێ هاتنا تیرۆرستێن داعش بۆ ناڤ ئاخا شنگالێ،ژمارەیەکا کوردێن ئێزدی ژ زەلام،و ژن زارۆك و گەنج و کچ، کەفتن بن دەستێ ڤێ رێکخراوا تیرۆرستی دا.ژلایێ وان ڤه بکت و کۆم هاتن کوشتن،و بن ئاخ کرن.بازرگانی و دەست درێژی کارێن نە مرۆڤایەتی دژی ژن وکچێن ئێزدی هاتەکرن،،برنا وان بوو بەرەف(رەقه و تلەعفەر و ئەنبار و مووسل).
ئێکەم پارێزگەهــ ل هەرێما کوردستانێ خوە ل ئاوارێن شنگالێ کرین خودان هاریکاریا برا و خویشکێن خوەیێن ئێزدی کرینە،زۆربەیا قوتابخانا مال و مزگەفتێن خوە بۆ وان ڤەکرین باژێرێ دهۆکێ بوو. زێدەباری ڤێ چەندێ زێدەتر ژ ۱۰۰هزارا خەلکێ شنگالێ د پارێزگەها دهۆکێ دا پتر ژ ۲۰ کەمپاندا دژین.دابینکرنا هەموو پێدڤیێت سەرەکی یێن ژیانێ بۆ وان هاتن ئامادەکرن. دیسان زوربەیا لاوێن ئێزدی ێن قەهرەمان رێگریکرن کو تیڕۆرستێن داعش بسەرێ چیایێ بکەڤن چونکی رێکخراوا درنده،ب ناڤێ ئێسلامێ شەر دکرن هیچ بنەما و راستی نە بوون. لێ کوردا بەرده وام بزاڤ کریه پارستا هاولاتیێن ئاخا خۆ زمانێ خۆ بکەت. دژی داگیرکەران لەورا ئەڤ رێکخراوا توند یا داعش دژێ مرۆڤایەتیێ هاتە شکاندن.

ب سەدان کچ کور گەنج و پێرو کال شەهیدبوون،هەروەسا
د سالڤەگەرا شەشەمین یا جینۆسایدکرنا شنگالێ پێدڤیە، حکومەتا هەرێمێ دگەل حکومەتا بەغدا دوباره ب هەموو رویەکێ ڤە کار ژبوو شنگالێ ئاڤا بکەن،ژ هەموو لایەکێ ڤه بهێن پاراستن.و دووبارە و ب هیڤیەکا مەزن،داخازێ ژ یەزدانێ دلۆڤان دکەین،کو ڤەگەریانا گرتیێت ماین، بۆ باوەشا کەس و کارێن وان دوبارە ڤەگەرن.ب راستی کوردێن ئێزدی و چونکە (شنگال ئەو برینا کویڕە کو ناهێتە ژبیرکرن).
ئەنفالکرنا خەلکێ و خاک و سروشت و سامان، وگۆهورینا دیمۆگرافیێ، و ئەنفالکرنێن دی وەك گەرمیان و بادینان و خەلکێ کیمیابارانکرێن هەڵەبجە و شوێنێن دی ێن کوردستانێ،ناسناما نەتەوەیی و کوردبوونێ بوو. ئەڤە ژی دێ چیتە ناف رێزا تاوانێن دژێ بەمرۆڤایەتی، دیسان پێویستە هەموو جیهان ئەڤ تاوانە ب جینۆساید بدەن ناسکرن، دڤێت حکومەتا عێراقیێ ژی ناچاربیت ب قەرەبووکرنا ڤان قوربانیان.یا گرنگترە پەرلەمانی کوردستانێ هەموو هەوڵ و بزاڤێن خو بدەت کارکرن ژ بوو زیاتر خزمەتکردنا ئەنفالکریان،و بە دۆکیومێنتکرنا وان تاوانکاریان و دەرێخستن و دیارکرنا یاسایەکا پێویست د بەرژەوەندیا کەس و کارێن قوربانیان.ل ئایندە ژی دا برێکا پەیوەندیێن دگەڵ پەرلەمانی وڵاتان، و دامودەزگەهێن حکومەتا هەرێما کوردستانێ،وەسا دیاربیت بە جینۆساید ناسکرنا تاوانێن دژی خەڵکی کوردستانێ هاتینە دان. جارەکا دی پێدڤێە حکوومەتا عێراقێ قەرەبوویا گشت زیانێن ڤان تاوانان بکەت. یا هەرە فەرتر نوێنەرانێن خەلکێ کوردستانێ ل بەغدا کار بو چارەسەریێ و ئاڤاکرنا شنگالێ.