بانگەوازا سەروک نێچیرڤان بارزانی بۆ کادرێن پاری ژبۆ وێ چەندێ یە کو هاریکاریا حکومەتێ بکەن کا چاوا بەریا نهو د هاریکار بوون ل دەمێ قەیرانێن دژوار ، هەروەسا دڤێت کادرێن پارتی چ د ناڤا حکومەتێدابن یان ژ دەرڤەی حکومەتێ ببنە میناکێ چاکیێ بۆ وەلاتیان و خزمەتەکا ب مفا بۆ بکەن ، دەست پاکبن و د چالاکبن چاڤ ڤەکری و د هاریکاربن ، پارتی سەرەرای هەمی ئاستەنگان شیا ببیتە پارێزەرا دەستکەفتێن گەلێ کوردستانێ رێ ل هەمبەر پیلانان گرت و ب دلسوزی ئەرکێ خو بجھئینا ، نابیت خزمەتا بۆ وەلاتیان دهێتە کرن ببیتە مننەت بەلکو مافێ هەر تاکەکێ کوردستانێ یە رێز لێ بهێتە گرتن بگرە ژ بیر و باوەرێن وان تا کێمترین پێتڤیێن ژیانێ وەک دابینکرنا خانیەکی بۆ هەر خێزانەکێ و کەس نەمینیت خودان ئیجار ، خاندنا ب پارە نەمینیت و بێ بەرامبەر ل زانکویا بخینن وەلاتیێن کوردستانێ و پێشئێخستنا هەمی کەرتان ل هەرێمێ ، دا رێ ل هەمبەر خراپکاران بهێتە گرتن ، حکومەتا نی پێکهاتی هەولێن باش یا د هاڤێت ژ بۆ خزمەتەکا باش و سەردەمانە ، لێ د هزرا مندا مە ل کوردستانێ ژێر خانە نەبوو هەر تشت د ئاڤاکرنێ دا بوو و چەندین کەسێن دەست پیس ببونە خودان پلە و پایە لەو خزمەت و ئاڤەدانی پەک ببوو ، ئەڤجا ب دەست پاکان و ب چاڤدێریەکا باش دێ کوردستان خو لسەر پێت خو گریت هەر دێ بێژین دڤێت یاسا ببیتە سەروەر هەمی کەس خو ب یەکسان ببینن دناڤا هەرێمێ دا نەک دلێن هەژارا بهێنە سوتن ب کریارێن چەند کەسەکێن بێ هەست و دز دڤێت رێ ل وان کەسان بهێتە گرتن دا دەستکەفتێن مە یێن نەتەوی ب هەروە نەچن ، ئێکودو قەبیلکرن و ب گیانێ وەرزشی سەرەدەری لگەل هەر لایەنەکی بهێتە کرن دا نەڤیانا وەلاتی نەچیتە ددلێ چ کەساندا ، ب ئافرەت و لاوان وەلات زندی دمینن و ساخلەم دهێنە قەلەمدان ئەڤجا رێ ب ئافرەتێ بهێتەدان ببیتە خودان پوستێن بلند د رێڤەبرنا پارێزگەهان و لاو ببنە ژێدەرێ هزری بو کاری .
پارتی دەرفەتا سەرکەفتنەکا مەزن یا لپێش بۆ ئایندەکێ گەش ، دڤێت دەست ب خزمەتێ بهێتەکرن و د شیاندایە کارێن گەلەک باش بۆ وەلاتیان بهێنەکرن بگرە ژ دانانا کەسێ ژ هەژی ل جهێ هەژی رێگرتن ل هەمبەر هەدەردانا مالێ گشتی ئەڤە هەمی ب لادانا کەسێن لاواز و دەست درێژە و دانانا کەسێن دلسوز و دەست پاک ل شینا وان ، ب گهورینێ نیبون دهێت ب مانا کەسەکی وەک رێڤەبەر بۆ ماوەکێ درێژ ژەنگی بوون ددیڤدا دهێت ، ئەڤجا پشتەڤانێن گوهورینێن چاڤەرێکرینە و ل بەندا سەپاندنا یاسایێ نە و هەمی کەس خو ببینن گەهشتی ب مافێن خوە .