هەر سالەکا ل ژیێ پارتی زێدە دبیت ناڤ و دەنگیا کوردان بەربەلاڤدبیت ، گەلێ کورد لسەر دەستێ خەمخورێن دوزا کوردی ماموستایێن بەرگیریێ و تێکوشین و خەباتێ دامەزرێنەرێن پارتی دیموکراتی کوردستان بارزانیێن سەرکێش و رێبەر وەفادارێن نەتەوا کورد ب ئارامی نهو یێن دژین و ب سایا هەبونا رێڤەبرنەکا ژیر ژ لایێ پارتی ڤە خودان پەرلەمان و حکوومەت و لەشکەرین .
ل رێکەفتی 16/8/1946 پارتی دیموکراتی کوردستان هاتە دامەزراندن لسەر دەستێ سومبولا نەتەوا کورد مەلا مستەفا بارزانی ب دامەزراندنا ڤێ پارتێ مەسعود بارزانی بۆ شورەشێ کرە دیاری ، خەباتا دلسوزانە یا سەرکردێن پارتی ژ دیڤچوونا رێبازا بارزانی بویە ، ئەو کوردستانا بن دەست یا ل وی دەمی نهو یا بویە خودان پەرلەمان و حکومەت و لەشکەر ، زلهێزێن جیهانێ یێن پشتەڤانیێ لێ دکەن ئەڤە ب وێ خینێ هات یا پارتی دای بۆ گەلێ کورد ، خینا شەهیدێن کوردستانێ چیایێن سور کرین شەهیدێن رێبازا بارزانی خو کرنە فیدا بۆ ئارامیا هەرێمێ و رزگاربون ژ بن دەستیێ و تەعریب و بەعسیان و ئەشکەنجەدان و ئەنفالکرنێ روحا وە شاد بیت بابێ نەتەوا کورد مەلا مستەفا بارزانی و ئیدریسێ هەردەم ل یاد هەوە نەخشە رێ بومە دانا و سەرکردێن خودان شیان ل دوف خوە هێلان ئەم ب هەوە سەرفەرازین و تا هەتا وە لبیر دئینین ، ئێک ژ وان قوتابیێن ڤێ رێبازێ نێچیرڤان بارزانیە ئەوێ شیای چەندین دەستکەفتان بۆ کوردستانێ ب دەست ڤە بینیت د بوارێن جودا جودا دا ل دەمێ سەروک وەزیرێن هەرێمێ ، ئێک ژ وان بواران رولێ وی د چێکرنا پەیوەندیێن نێڤ دەولەتی دا بگرە ژ نوونەراتیێن وەلاتێن بیانی ل هەرێما کوردستانێ ، کۆنسولخانەیێن گشتی یێن بیست و دوو وەلاتان ، کونسۆلخانەیێن فەخری یێن پێنج وەلاتان ، نڤێسینگەها نوونەراتیا ئێکەتیا ئەوروپا ، نڤێسینگەها نوونەراتیا یۆنامی ، نڤێسینگەها بالیۆزخانا کەنەدا ، هەروەسا بەروڤاژی حکومەتا کوردستانێ تا نهو شیایە نوونەراتیا خوە ل چاردە وەلاتان ڤەکەت ، بگرە ژ نوونەراتیا حکومەتا هەرێمێ ل ئەلمانیا ئەمریکا ئوسترالیا ئیسپانیا ئیران بەریتانیا فەرەنسا سوید سویسرا روسیا نەمسا پولەندا هەروەسا نوونەراتیا حکومەتا هەرێمێ ل ئێکەتییا ئەورووپا . ئەڤ خزمەتا مەزن یا نێچیرڤان بارزانی د رێڤەبرنا هەرێما کوردستانێ دا ئێکە ژ نمونێت سەرکردێن رێبازا بارزانی ، دیسان نمونەکا دی یا بەرز و بلند سەروک وەزیرێن هەرێمێ مەسروور بارزانیە ئەوێ ب هەیبەتا خوە گەندەل بێزارکرین و دەست ب چاکسازییان کری و بریارێن وێرەکانە داین بۆ بەرژەوەندا گشتی و کارێن باش چاڤەرێی نە ژ هەردو سەرکردێن ژێهاتی .
ل دوماهیێ دێ بێژین رێبازا بارزانی ب بورینا دەمی دیاربوو باشترین و چاکترین رێکە بۆ گەهشتنا ئارمانجێن نەتەوا کورد ل سال روژا دامەزراندا پارتی دیموکراتی کوردستان پیروزباهیێ ل کەس و کارێن شەهید و ئەنفالکریان دکەین و دبێژینە وەلاتیێن هەرێمێ پشت راستبن دێ ب پارتا خودان ئێک رێباز و ئێکگرتی گەهنە هیڤیێن خوە .