کوردستان وەک پشکەک ژ جیھانا ئیسلامی و ھەفسی ل گەل جیھانا عەرەبی بەردەوام پێتڤی ب ھەڤالبەندایە ل ناڤ وان وەلاتان و فەرە گرنگیا پەیوەندیێن عەرەبی و ئیسلامی بو سەرکرداتیا کوردی و سەنتەرێن ڤەکولینێ دیار بیت و کار بکەن کو ب چ شێواز ڤان پەیوەندیا بەرەف پێش ببەن و ل وارێ دبلوماسی دا مفای ژێ ببینن و بوچونا وان ھەمبەری گەلێ کورد و کوردستانیان بێتە گوھرین و ل داویێ دوزا کوردی و کوردستانی مفادار بن و بەرژەوەندیا وان ب ھەولێرێ ڤە بێتە گرێدان.
ھەتا نھا کورد ل دەف گەلەک وەلاتێن جیھانا ئیسلامی وەک پێتڤی نەھاتینە نیاسین و گەلەک ژ وان ل ئیسلاما وان ژی ب گومانن پشکەک ژی وێ کێماسیێ بو یا سیاسیەت و ستراتیجیەتا سەرکرداتیا سیاسی کوردستانی د زڤریت کو نەشیایە مەلەفێ پەیوەندیێن دبلوماسی دگەل وەلاتێن عەرەبی و ئیسلامی پێش پێخیت و ئەجیندایا کارێ وان دا بیت وەک پێتڤیەک گرنگ و مفادار. ھەروەسا ئەو پروپاگندا دەولەتێن داگیرکەرێن کوردان دکری دژی نەتەوا کورد ب وی رادەی بو ل سەر ستەم و زولما کوبسەرێ کوردان ھاتی دھاتنە توھمەتبار کرن ژی وەک دوژمنێن وەلاتێن ئیسلامی و ئێکگرتنا ئومەتا ئیسلامێ! . لێرەدا ئەو دەولەتێن خوەدی سەروەری و سنور و بالیوزخانە و بریارن و ل سەر حکومەتا ھەرێما کوردستانێ و سەروکاتیا ھەرێمێ د مینیت کو کار بکەن پەیوەندیێن کوردی دگەل وەلاتێن عەرەبی و ئیسلامی پێش پێخیت و ئەو گرنگیا ب وەلاتێن ئەوروپی بدەت نیڤ ھند ژی گرنگیا ب ڤان وەلاتان بدەت رەنگە گوھرینەک مەزن دروست ببیت . کومکارا عەرەبی و سعودیە و ئیمارات و ئوردن و لوبنان چەندین ئالیێن دیترێن عەرەبی خوشحالیا خوە ب ڤان سەرکەفتنێن داویێ دەربری ل ھەلبژاردنا سەروکێ ھەرێمێ و پێکئینانا کابینا نوی.
زورگرنگە کاربێتە کرن کو پەیوەندی ل گەل ھەمی وەلاتێن روژئاڤا خوش ببن و بگەھنە ئاستێ باش کو ل دوزا کوردی دا رول ھەبیت و ئەگەر ل بیرا مە بیت بەری دوو سالا پشتی ھێرشا ھەمی ئالیی بو سەر کوردستانێ و دورپێچا رەش فەرەنسا ئێکەم وەلات بو دەرگەھێ خوە ژ کوردان را ڤەکر. بوچی ھەتا نھا دەولەتێن عەرەبی و ئیسلامی وەک پێتڤی ل زولم و ستەما کوردی نەگەھشتینە :
- بەغدا بەردەوام بەرژەوەندی گەل وان وەلاتان ھەبوینە . و کوردستان ژی د شیان دا ھەیە ڤێ ھەفکێشێ بگوریت و بەرژەوەندیێن وەلاتێن جیھانێ ب گشتی و عەرەبی و ئیسلامی ب تایبەتی بینیتە ھەرێمێ دا و ب یاسایا مفایێ ھەفکپشک و پاراستنا بەرژەوەندیا.
- راگەھاندنا کوردی زور لاوازە ل ڤی بیاڤی دا, ئەو گرنگیا راگەھاندنا کوردی ب سترانێن عەرەبی ددەت , دەھان جاران زورترە ژ وێ گرنگیدانا ب ناساندنا کوردستانێ ب وان و وان ژی ب کوردستانێ ددەت.
- سەرکردایەتیا کوردستانی وەک پێتڤی کار نەکریە د ڤی بیاڤی دا, ھەتا نھا وەک پێتڤی گرنگی ب پەیوەندیی دگەل وەلاتێن ئیسلامی و عەرەبی نەھاتیە دان و فەرە سەروکێ ھەرێمێ ڤان پەیوەندیان پێش پێخیت , تایبەت پشتی کو پێشوازیەک گەرم ل ھەلبژارتنا نێچیرڤان بارزانی ھاتیە کرن .
- بازرگانێن کورد نەشیا ب ھەفکاریا حکومەتا ھەرێما کوردستانێ سەرمایێ عەرەبی و ئیسلامی راکێشنە کوردستانێ , پەیوەندیێن ئابوری بنیاتێ پاراستن و پێشڤەبرنا پەیوەندیێن سیاسی نە و د ئەنجامدا کاریگەری ل سەر ناساندنا نەتەوێ کورد و دوزا رەوایا کوردی ھەیە.
- سەنتەرێن ڤەکولینێ و زانکو و پەیمانگەە و نڤیسەر و روژنامەڤان و کەساتیێن سیاسی و روشنبیر و ھونەرمەندان ل کوردستانێ وەک پێتڤی ل سەر پەیوەندیێن کوردستانێ دگەل وەلاتێن عەرەبی و ئیسلامی کار نەکریە و فەرە ئەو گرنگیە بێتە روونکرن و ئیدی ھەولێر ببیتە بەدیل بو بەرژەوەندیێن وان و دشیان دا ھەیە ڤان جوداھیێن مەزھەبیی و دیتنا سیاسی یا بەغدا بێتە وەبەرھێنان و مفای ژێ وەربگرین.
- ھەتا نھا پرانیا وان وەلاتان ب گەل و نەتەوێن خوەڤە ل ئاستێ قوربانی دانا گەلێ کورد نەگەھشتنە , زور گرنگە کونفرانسێن مەزن و ئەکادیمی ل وان وەلاتان بێنە ئەنجامدان ژ ئالیێ حکومەتا ھەرێما کوردستانێ ڤە بو ھندێ ل کوردستانیان و خەم و داخازیێن وان بگەھن.
حکومەتا ھەرێما کوردستانێ ل بیاڤێ پەیوەندیێن دەرڤە دا وەک دیار ئیران و تورکیا و وەلاتێن ئەوروپی ل ستراتیجیەتێ دا بوینە ھەتا رادەکێ شیایە سەرکەفتی بیت ل ڤی بیاڤی دا و ئەوا سەرکەفتی نەبوی ئەوە کو نونەراتی ژ وان وەلاتان نەبوینە یان د بەرنامێ وێ دا نەبوینە ئەوێن مەدڤێن ل ڤێ گوتارێ دا بەحس ژ گرنگیا وان بکەین , د نھا دا فەرە حکومەتا ھەرێمێ بدیتنەکا بەرفرەھتر ل سیاسەتا دەرڤە بنێریت و مسر و سعودیە و ئیمارات و لوبنان و کوێت د گەل مالیزیا و ئەندونیسیا و پاکستان و بەنگلادش پێخیتە د بەرنامێ خوە دا و کار بکەت بو ڤەکرنا نونەراتیێن ھەرێمێ کوردستانێ ل وان وەلاتان وەک مەزنترین وەلاتێن عەرەبی و ئیسلامی و خوەدی سەنگ د کومکارا عەرەبی و کونگرێ ئیسلامی دا و ھەبونا بەرژەوەندیێن ئابوری و مفا وەرگرتن ل گورەپانا سیاسی یا نێڤدەولەتی دا و راکێشانا وەربەرھێنان و بەرژەوەندیێن وان بو ناڤ ھەرێمێ دا .