زور جاران دئێتە گوتن ئەگەر دوو ماسی ل ناڤ دەریایێ دا ژێک بکەڤن و شەری بکەن وی دەمی فەرە بەرسینگێ برێتانیا بگرین و بێژێن تو ھوکارێ سەرەکیێ بێ ئێک و دووی ! و ئەڤ چەندە بو داگیرگەھێن بەرێ ب رێژەیی بیت بو کوردان ھزار ژ سەدێ راستە.
ل سایکس -بیکویا ١٩١٦ بگرە ھەتا نھا کورد کەفتینە دناڤ گێژەلوکا شەر و ئالوزیێ دا و ژ بەر داگیرکەرێن ھەر چوار پارچێن کوردستانێ ژی بەرزەبویە کو د ئەسل دا ئەم ل عیراقێ بوینە یان تورکیا یان ئیرانێ یان سوریێ ! کوچبەریا خوە ژ بیرکریە وان داگیرکەران .
ئەمریکار دەولەتا دروست ناکەت تنێ شەری و بازرگانیێ دکەت و روحا وێ د فلسەکێ سوردایە و ھوشیار بن چ جاران نەبێژێن پەیوەندیێن ئەمریکی - کوردی ! ژ بەرکو ئەو ئێکێ دا دی دبێژن و سیاسەت دەف ئانکو پاراستنا بەرژەوەندیا.
ترامپێ سەر زێری بەس نەبو جونسون ژی ھاتە سەر و دێ یاری پتر تێکچیت و ئیدی کی یێ نە گودارە بلا خو حازرکەت ببیتە پێشکێش و تویتا بازاری تێکبدەت.
سەردەم سەردەمێ سیاسەت و دەست کەشف کرنێ یە و چو ئەسل و ئەساس بو دیکومێنت و خو موھیم کرنێ نەما و گرنگە د ئەڤرودا کورد بو دوزا خوەیا رەوا بکەن و دوست و دوژمنێن خوەیێن ئەزەلی دیار بکەت .
دوستەکێ کورد دبیتە سەروکێ وەزیران ؟! د ئەسل دا چ بونیە و ئیدی یا دا بلاڤ کرنا دەنگ و باسانە و کومکرنا لایک و کومێنت و ڤیو و فولویا و ھندەک تشێن دیترە.ئەگەر کوردان ژ بلی چیایێن خوە دوست ھەبان ئیرو ئەیاد جەمال الدین کو خوە ب تێگەھشتی د ھژمێریت نەدگوتن (کوردستان للبیع !!).
کورد تنێ دوستێ خوە بیت بەسە و دێ جیھان ھەمی ب چاڤەک مەزن سەحکەتێ و ئیدی دێ شورەش و خەبات و بەرخودانب دەرئەنجامێن باش ب داوی ئێن .
برێتانیا ئەڤ نەخشێ سیاسی یێ جیھانێ دارێشتیە و پرانیا کێشەیان وێ ھێلاینە فەلەستین و کشمیر و کورد...ێن دیتر ژی کرینە دەولەت؟ و فەرە تێبگەھینین ب پەیوەندیێن باش دەستپێکێ ژ ئالیێ کلتوری و ئابوری.
روژئاڤا پرانیا جاران دوستە د گەل مەرکەزی و ھەتا سەدام کەفت ژی روژئاڤایێ ھیڤیەک ھەبو کو ژ خوە بزڤریت و ئاقل ببیت و گەفا ل ئیسرائیلێ نەکەت. لەوما دلێ مە ب ئەقلێ حەشدا شەعبی خوەش نەبیت کو دێ ئەمریکا و ئەوروپا تورەکەت , گرنگ دەف وان پارەیە.
جونسون د رەسەندا تورکە و ئەو جارەکا دیتر ژی کاریگەریەکا خراب ل سەر مەسەلێ ھەیە و بەس خودێ سەھل بکەت و ب ریفراندومێ دا پشت بەحر و بەرا ل خوە نەگەریا و دژاتیا مافێن کوردان کرن.
دەمێ سەروکێ ھەرێمێ پیروزباییا سەروک وەزیرێ برێتانیا دکەت فەرە ئەوآ ژی بێژین کو وە عیراق چێکریە و کەتەلوک ژ دەستێ وەدایە و رێکەکێ ببنئەڤ وەلاتێ سیناعی یێ بویە فەنتەلوس ,ھەرچەندە داخازی ژێ ھاتیەکرن کو رولێ خوە ببینیت ب چارەسەرکرنا کێشێن ناڤبەرا ھەولێر و بەغدا. بیرا مە نەچیت رولێ برێتانیایێ ئەم یێت کرینە عیراقی.
ئەگەر وەبیت کو شێخ محمودێ حەفید دەستێ خو پێچا بی پاشی داف برێتانیا کو کافرن و ئەم کورد کەفتینە بەلایێ , ئەرێ د وەلاتێن دیتر دا شەر و کوشتن د گەل کر, ھەر بونە دەولەتێن سەربەخو نھا ھژمارا وان ھندی ھژمار وەلاتیێن کوردستانێ نینە ل ١٩٢١ز.
برێتش پترول ل کوردان تورەیە یان نەڤیا بێتە بازارێ کوردستانێ پشتی کو ل ھەڤدێ ئوکتوبەرێ بازارێ بابە گورگور بدەست کەفتی. فەرە ب پلان دەستێ BPبێتە د ھەرێمێ دا داکو دیدگەھا سیاسی ژی بگوھریت ھەمبەری گەلێ کورد.
واتا برێتانیا نەخش ل دەستی دایە و یا دیتر ئەڤە د دەستێن سەرکرداتیا کوردی و ھەمی ئالیێن کوردستانی و پێکھاتێن ئولی و نەتەوەی و مەزھەبی :
١- رێکخستنا ناڤ مالا کوردی کو برێتانیا دربەک مە دا ژ بەر وێ بەرەلایێ دناڤ رێزا شێخ و بەگ و ئاغا و میر و فەقیر و کرمانجێن کوردان داھەی.
٢- سەروکێ ھەرێمێ بانگا ھەمی ئالیەکێ بکەت و بەرنامێ چار سالێن دیتر بەرنامێ ئێمناھی و پێشڤەچون و ئێک بریاری و کارکرنا ب ویژدان و پاراستنا پەیوەندیا گەل ھەمی ئالیەکێ تایبەت گەل برێتانیا عوزما.
٣- کار کرن ل پایتەختێن جیھانێ و پێش خستنا لوبیا کوردی کو ھەتا نھا بەس ل شەھیانا دا د گەرم و گورن و دەستێ ھەڤدوو دگرن .
٤- دکتور عادل عبدالمھدی بەرھەڤی دانوستاندنایە و فەرە ھەرێم ژی بەرەف ئاشتیێ بچت کوھەتا نھا سەروکێ ھەرێمێ قوسیری ل ڤی بیاڤی دا نەکریە و ھاتنا عادلی دەرفەتە و باشترین چارەسەر ئەوە کورد برێتانیا ب زانین ڤە بینە د چارەسەریا کێشێن د گەل بەغدا .
٥- ئەگەر ھەرێم ژی بین لێ ھەبونا ئابورێ بھێز و خوشگوزەرانی و دەرفەتا وەبەرھێنانێ و پاراستنا ھەفسەنگیێ د دەڤەرێ دا واتا بھێزکەفتن و جھێ خوە کرن ل سەر نەخشێ جیھانآ.