گەندەلی ب ھەمی شێوازێن خوەڤە ب مەترسیدار ترین ئێش و دربا ب دەسەلاتا دکەڤیت ب درێژاھیا دیروکێ دئێتە ھژمارتن و کەفتنا ئیمپراتوریەتێن مەزن و خوسارتێن مەزنە حوکمرانێن جیھانێ د روپەلێن دیروکێ دا ئەگەر ھەمی گەندەلیا ئابوری و ئیداری...ھتد , بویە؟؟. د بیروباوەرێن ئولی و نەریتێن کەڤن و یاسا و دەستورێن دەستپێکا پەیدابونا شارستانیەتان بەردەوام کار ھاتیە کرن گەندلی بەلا و ئێشا خوە ل گیانێ حوکمرانیێ ڤە بکەت و وارێ ئاڤەدانی و یەکسانی و دادگەریێ جھێ گەندەلی و دزی و نەشەفافی و بێ دادی و نە یەکسانیێ بگریت.
د چەرخێ پێشکەفتن و تەکنەلوجیا و سەردەمێ جیھانگێریێ دا گەندەلی ھەڤ ئاوایێ پێشڤەچونا مروڤاتیێ ھەمان پێشکەفتن ب خوەڤە دیت و نھادا د سەرانسەرێ جیھانێ دا گەندەلی ئێک ژ مەزنترین تەحەدی و ئاستەنگان د رێیا پێشڤەچون و زورتر ئاڤەدانیی و گەھشتن ب ژیانەکا خوش و سەردەمیانە و مفاوەرگرتن ژ سامانێن خوەزایی و شیان و ھێزا سیاسی و ئیداری و ئابوری و سەربازیا وەلاتان و ھەر گەندەلیی بویە نەھێلای مروڤاتی د گەلەک پشکێن ئەردی دا بگەھنە خوشگوزەرانیێ. لێ فەرە ئەو خالە ژی رووھن و ئاشکرا بیت کو گەندەلی د وەلاتێن ئەسکەندەنافی دا وەکی روژھەلاتا ناڤین و ئەفریقا و ئەمریکا باشور نینە و ئانکو گەندەلی ب رێژەیییە و ھەر وەلاتەک ب رێژە و شێوازەکێ ریبریێ ڤێ شێرپەنجا دەسەلاتا بویە و د ناڤ وان جە و وەلاتێن کو گەندەلیێ خوە ل سەر پێگرتی و شیایە ل رێزا پێشیێ بیت و شیانێن مەزنێن ئیداری و ئابوری بو ڤێ پرسا وێرانکەر بچن و بەردەوام گەندەلی بویە ھوکار ل ھەمبەری پێشڤەچونا وەلاتی و گەھشتن ب کێمترین ماف , دەولەتا عیراقێ یە و ھەرێما کوردستانێ ژی وەک ھەرێمەک سەر ب ڤی دەولەتێ ڤە ل پرسا گەندەلیێ دا زورترین رەخنە دئێنە گرتن و ئەڤ گەندەلی و نەشەفافیا ھەیی ژی د ھەرێمێ دا زور ترین درب ژ شیانێن وەلاتیان و وەلاتی دایە و ھەتا ئیرو بەردەوام ھێزا وەلاتی د ھەمی بیاڤەکێ دا بێ مفا دکەت و ھیچ ھیجەت ھەمبەری گەندەلی و نەشەفافیا ھەرێمێ نا ئێـتە گرتن و فەرە حکومەتا ھەرێما کوردستانێ تایبەت کابینا نەھێ کو ب ئانەھیا خودێ درێ دایە فەرە کارێ سەرەکی ئەو بیت نەھێلیت وەلات ب ڤی ئاوای ل گومەک پری گەندەلی ب رێڤە بچیت. سەروکێ ھەرێما کوردستانێ بەرێز نێچیرڤان بارزانی د داوی گوتارا خوەدا ئیماژە ب وێ چەندێ کر کو دێ بەردەوام بن ل سەر چاکسازی و نەھێلانا گەندەلیێ, ئەڤ گوتارە د جھێ خوەدایە و جھێ دلخوشیێ یە و ب ھیڤیا وێ ئێکێ سەردەمەک حوکمرانیی نوی دەستپێبکەت و ئەڤ ژینگەھا ب زاخ و پیتا گەندەلیێ بێتە تێکدان و ئیدی ھەر ھەمی ولاتی ب ئێک ئاست ب گەھنە مافێن خوە ..
دەمێ بەحس ژ وەلاتێن خوەدی ستوینێن ئابورێ بھێز دئێتە کرن و پرن ژ سامانێن خوەزایی و ھێزا مروڤی و سەروبەرێ وان ل خرابترین شێواز دا بیت ھیچ شروڤەیەکێ ژ خوە ناگریت ژ بلی وێ ئێکێ کو (ئەڤ وەلاتە تژی گەندەلیی یە و ماف ب یەکسانی نائێنە دان و ھێزا ئابوری و سامانێن خوەزایی و خوشگوزەرانی تنێ بو گروپەکێ مافدارە..). ڤەنزوێلا و لیبیا و عیراق و ...ھتد ژ وان دەولەتانە
دڤێ رەدا پرسیار ئەوە , ئەرێ گەندەلی د کوردستانێ دا د چ ئاست دایە...؟
فەرە کەتوارێ دەولەتێ ل بەرچاڤ وەربگرین و بزانین ئەرێ وەلاتی د خوەشگوزەرانیێ دانە یان ژی بەروڤاژی..؟ ب راستی پشتی بیست و حەفت سال ژ دەسەلاتداریا کوردی ل ھەرێما کوردستانێ ھەتا ئیرو وەلاتیێن ھەرێمێ نەگەھشتنە مافێن خوەیێن سادە وەک وەلاتێن پێشکەفتی کارەب ل ئاستەک خراب دایە ! ئاڤ ! جادە پرن ژ کێشەێن جدی ! سێکتەرێن پەروەردە و ساخەلمی و خاندنا بلنددرزێن مەزن ھەنە ! و چاندن و گەشتیاری نەگەھشتنە وی ئاستی مفا وەک پێتڤی ژێ بێتە وەرگرتن ! ھێزێن چەکدار و ئەمنی ھەتا نھا وەک پێتڤی خزمەت بو نەھاتیە کرن و دەستێ حزبێ ب ئاشکرایی تێداھەیە ! واستە و واستەکاری و گەھشتن ب پلە و پوستان دیف ستانداردێن جیھانی نیە و پیڤەر حزب و خزم خزمانێ و ئاستێ کەساتیە! ... دەھان کێشێن دیتر ھەنە و کو فەرە سەروکێ ھەرێمێ ب ھەفکارێ تیما خوە د گەل پەرلەمان و حکومەتا نوی کار بکەن ئیدی دەستێ خوە داننە سەر برینا و کار بکەن وێ گەندەلیا بەرفرەھا ھەیی د وەلاتی دا ل رەە و ریشالان دا راکێشن و بگەھینە حوکمەکێ رەشید و وەلاتی ژی ب یەکسانی مافێن خوە وەربگرن..
گەندەلی ئیشەکا بەر بلاڤە و دئیرو دا نیە ڤێ ئێشا ویرانکەر دربێن خوە ل دەسەلاتێن مەزنێن جیھانێ دای و شیایە مەزنترین وەلاتان ب ئێخیت و بێ شیان بکەت , بەلێ ھەبونا گەندەلیێ ب رێژەیی یە ل سەرانسەرێ جیھانێ دا و عیراق و کوردستان ل وان دەڤەرێن جیھانێ نە کو رێژەکا زور یا گەندەلیێ تێدا ھەیە. دەمێ رایەدارێن وەلاتی ل ئاستێ سەروکێ ھەرێمێ بەحس ژ نەھێلانا گەندەلیێ دکەن واتایا وێ چەندێ ددەت کو ڤێ ئێشێ زیان ب بەرژەوەندیا بلند وەلاتی داینە ل سەر ھەمی ئاستەکێ و ھەمی بیاڤێن ژیانێ دا ... د نھا دا دەمێ تومار کرنا سەروەریەکا دیروکی یە کو ھەر ھەمی ئالیەک کار بکەت بو ناڤبرنا گەندەلیێ و بھێزکرنا وەلاتی...