نەفت و گاز و سامانێن خوزایی مولکێ ھەمی تاکەکێ عیراقی نە بێ جودایی و ل دەستوری دا ھاتینە دیارکرن و دیف یاسایەکێ کو دێ ل پەرلەمانی دا دەرکەڤیت چاوانیا دەرئینان و ئیدارەکرن و فروتن و وەربەرھێنان و سەرەدەریکرن ل گەل داھات و خەرجیان و مافێ پایتەختێ فیدرال و ھەرێمان چیە ل ڤێ پرسێ دا . د نھا دا کو ئەڤ یاسایە دەرنەکەفیتە ل پەرلەمانی و ب پرسەکا ئالوز دئێتە ھژمارتن ھەتا نھا ل ناڤبەرا ھەولێر و بەغدا و پرانیا جاران ئەڤ پرسە ب ململانێین سیاسی و تائیفی و مەزھەبی و حزبی ڤە ھاتیە گرێدان و چارەسەریەک بنگەھین بو نەھاتیە دیتن.
نونەرێن کورد ل بەغدا چەند ئەرکەکێن نەتەوەی ل سەر ملێ وان ھەنە کو فەرە ل دەمێ بەرھەڤبونا وان ل پەرلەمانی د چوارسالێن پەرلەمانتاریێ دا ل سەر ئاستێن بلند کار بکەن بو قەرەبوکرنا کوردستانیان ل وێ ستەما ب درێژاھیا دێروکا عیراقا نوی ل سالا (١٩٢١ز) و ھەتا نھا گەشتیێ . وێرانکرنا نیزیکی (٥٠٠٠)گوندێن کوردستانێ و ئەنفال و کیمیاباران و دەربەدەرکرن و گرنگی نەدان ب ژێرخانا ئابوری و ھەر تاوانەکا دیتر کو رژێمێن عیراقێ ب سەرێ کوردستانیان ئینای. ھەروەسا ل سالا (٢٠٠٣) ھەتا ئیرو کو ب عیراقا بناڤ دیموکراسی و فیدرال دئێتەنیاسین مافێ کوردستانیان ل وەرگرتنا پلە و پوست ل سەر ئاستێ ئەمنی و سەربازی و دبلوماسی و برێکار و رێڤەبەرێن گشتی و پشک ھەبون ل وان قەرێن کو عیراق وەردگریت و ئەو چەکێ دکریت و ..ھتد سەدان مافێن کوردستانیان دئێنە خارن و بێ کەس ب پرسیت بوچی ئەڤ بێ دادیە ھەر ھەمی دئێـتە کرن و کەس نیە بچیتە بەر دەرگەھێ دادگەھا بلند یا دەستوری؟
نونەرێن کورد ھەتا رادەکێ باش شیاینە سەرەدەریێ ل گەل ئەقلیەتا رەتکرنێ بکەن ئەوا رایەدارێن بەغدا ھەمبەری کوردان بجە دئینن , بەلێ دبیت بەردەوام بن ل سەر وێ چەندێ کو زورترین مافێن کوردستانیان ب دەست بینن و نەھێلن کێشێن ھەرێما کوردستانێ بێنە ڤەگوھاستن بو بەغدا و ھەرجارا ماف ھاتنە بەرزەکرن و نەدان راگەھاندن و دەسەلاتێن جودا جودا و دادگەھا دەستوری ھایدار بکەن. ھەر پارتەکا سیاسی یا کوردستانی شیا بیت نونەران بگەھینیتە پەرلەمانێ عیراقێ شیایە زێدەتر نونەران بگەھینیتە پەرلەمانێ کوردستانێ , ھەر کێشەیەک ھەبیت د نافخویێ ھەرێمێ دا فەرە ئەو نونەرێن وەلاتیان ل پەرلەمانێ کوردستانێ خوە بێ دەنگ نەکەن و ب ھەمی شیان کار بکەن مافێ وەلاتیان بدەست بینن و بێ گوھدانە بەرژەوەندیێن خویێن تایبەت.و کێشێن بەغدا ژی فەرە نونەرێن کورد رولێ خوە ببینن.
ئازراندنا پرسا نەفت و گازێ ل سەر چاوانیا سەرەدەریا حکومەتا ھەرێما کوردستانێ د گەل ڤێ پرسی و ئەو رەخنێن ژێ دئێنە گرتن , د ڤێ قوناغێ دا کو ھەولێر و بەغدا ل سەردەمێ نێچیرڤان بارزانی سەروکێ ھەرێمێ و عادل عبدالمھدی سەروک وەزیرێن عیراقێ پتر نیزیکی ئێکتر بوینە و دەرفەت پتر ھەیە بو چارەسەریا کێشێن ناڤبەرا ھەر دوو ئالیان . ھەروەسا سەروک وەزیرێن عیراقێ د نھا د گەل وێ بوچونێ یە چارەسەری بو ھەر ھەمی کێشەیان بێتە دیتن و گوە بو دەنگێن نەرازیێن ئالیێن عیراقی ژی نادەت ئەوێن کو ب سیاسەتا وی یا نەرم د گەل ھەرێمێ نەرازینە و لەوما فەرە ھەمی ئالیێن کوردستانی وێ چەندێ باش بزانن کو د نھا دا چ پرسەک نەشێت ناڤبەرا ھەولێر و بەغدا تێکبدەت و بدیتنا من ھەر ھیچ نەبیت ڤان چوار سالان دێ زمانێ شەری د ناڤبەرا ھەردوو لایان دا دێ یێ بێ بازار بیت . وەک دیار ب مەترسی کەفتنە سەر بەسرا و کەنداڤی و دەرتەنگێ ھورمز و ئالوز بونا رەوشا دەڤەرێ وی دەمی دا تنێ دێ کوردستان بیتە دەرگەھێ بازرگانیا نەفتا عیراقێ د گەل دەرڤە . و لەما سەروک وەزیرێن عیراقێ ژی ل وێ بوچونێ نینە کو د نھا نونەرێن کورد دکەن ل بەغدا ژ بەرکو رەوشا عیراقێ و دەڤەرێ د شیان دا نیە زێدەتر خوە ژ بەر کێشەیان بگریت د دەمەکێ دا کو روژھەلاتا ناڤین وەک بومبەکا تەوقیت کری ژێ ھاتیە...