رێژه‌ و بهایێ‌ هه‌رێمه‌كێ‌ وه‌كو هه‌رێما كوردستانێ‌، وی بهایێ‌ خومالی و ره‌سه‌ن خۆیا دكه‌ت كو ل ئاستێ‌ ده‌وله‌ته‌كا مه‌زن و خودان رێز و ته‌قدیر بیت، نه‌ك تشته‌كێ‌ كێ/ یان هه‌ما ژ ڤالاهیه‌كێ‌ هاتبیت، به‌لكو ڤه‌رێرا وێ‌ خه‌باتێ‌ و ماندیبوونا سالانه‌، زێده‌باری وی ئه‌نجامێ‌ سیاسه‌ته‌كا سه‌ركه‌فتی و سه‌رفه‌رازه‌ یا هه‌می جیهانی پێ‌ حێبه‌تی كری، كو ساله‌ها سالانه‌ چه‌ندین ده‌وله‌ت نه‌شیاینه‌ ژناڤ ببه‌ن و حه‌ز و ته‌ماكاریێن خوه‌ لێ‌ بجهبینن و ل سه‌ر كیستێ‌ ئه‌رد و ئاڤ و كه‌رامه‌تا گه‌لێ‌ كورد بگه‌هنه‌ وان ئارمانجێن هۆڤانه‌، ژ به‌ر وان خێر و خێراتان، به‌لێ‌ ئه‌و به‌رگریكرن و شۆره‌شێن هاتینه‌ كرن، وێ‌ زانابوون و ره‌سه‌ناتی و سه‌ربه‌رزیا ڤی مله‌تی خۆیا دكه‌ت، میراتێ‌ وێ‌ یه‌كێ‌ ژی ئه‌ڤرۆ دیاردبیت و ئه‌و حنێرێن زانابوون و ب حیكمه‌ت یا پارتی دیمۆكراتی كوردستان و سه‌ركێشێن بزاڤا رزگاریخوازا گه‌لێ‌ كورد، یا پێشچاڤه‌ و
دیاره‌، كو خوه‌دان بهێزترین په‌یوه‌ندی بووینه‌ وه‌كو ئه‌مریكا كو سه‌ركێشا جیهانێ‌ یه‌ ل گه‌ل هه‌رێما مه‌ نه‌خامسه‌ د شه‌رێ دژت داعش دا، ئه‌م مله‌تێ‌ كورد نه‌هێلاین ب تنێ‌ و هه‌ر سال بۆدجه‌كێ‌ تایبه‌ت بۆ پێشمه‌رگێ كوردستانێ‌ ته‌رخان كربوو، ناهێته‌ پاشگوخستن كو رۆلێ نێچیرڤان بارزانی د چێكرنا وان په‌یوه‌ندیان دا به‌هرا شیری بوویه‌!. چاوا جێگری سه‌رۆكی ئه‌مریكا مایك پێنس د په‌یوه‌ندیه‌كا ته‌له‌فۆنی دا ل گه‌ل و نێچیرڤان بارزانی به‌حسا په‌یوه‌ندیێن هه‌رێما كوردستانێ‌ و عیراقێ‌ كرن د گه‌ل ویلایه‌تێن ئێكگرتی یێن ئه‌مریكی زێده‌باری ره‌وشا ده‌ڤه‌رێ‌، ئه‌ڤ ژی ئێكه‌ كو كۆچكا سپی به‌لاڤه‌كریه‌د كه‌نال و سایتێن راگه‌هاندنێ‌ دا و مژارا هه‌ری گرم بوو. ئه‌مریكا ژی دزانیت و هه‌رموو وه‌لاتێن و لایه‌نێن سیاسی و جیهانی كو هه‌رێم رۆلێ‌ دورستێ‌ ده‌وله‌تا عیراقێ‌ دگێریت و هه‌را شاشیێن ل به‌ر چاڤێن خه‌كی بۆ راستڤه‌دكه‌ت و دورست دكه‌ت، له‌ورا باوه‌ریا هه‌ری ب هێز یا كو دێ‌ عیراق و ده‌ڤه‌ر ژی بۆ زڤریت و ناڤوده‌نگیا وێ‌ هێته‌ راگرتن ب قه‌نجیا هه‌رێمێ‌ و حیكمه‌تا قیادا هه‌رێما كوردستانێ‌ ئه‌ڤه‌ ژی وێ‌ یه‌كێ‌ دئینته‌ بیرا مه‌ ده‌مێ‌ سه‌رۆك مسعود بارزانی ل ده‌مێ‌ ریفراندۆمێ‌ كه‌رمكری كو ئه‌ز خوه‌ شه‌رمزاری مله‌تێ‌ خوه‌ ناكه‌م!!..
له‌ورا ژی ئه‌ڤرۆ وی ئالایێ‌ بلندێ‌ كوردستانێ‌ راده‌ستی ده‌ستێن ئه‌مین كر كو كه‌سێ‌ نێچیرڤان بارزانی یه‌ ئه‌وێ‌ هه‌می دونیا حێبه‌تی سیاسه‌تا خوه‌ یا ئارام و زانا كری هه‌می وه‌لاتێن ده‌وروبه‌ر و یێن مه‌زن نه‌چار كرین دانپێدانێ‌ ب هه‌یبه‌ت و سه‌روه‌ریا كوردستانێ‌ بكه‌ن. چونكو چو جاران ئه‌و سیاسه‌تا كه‌رڤه‌كرنێ‌ و تۆلڤه‌كرنێ‌ و دوژمناتیێ‌ نه‌ دگه‌ل ئه‌مریكا و نه‌ توركیا و نه‌ ئیرانێ‌ و نه‌سووریێ‌ و نه‌ چو وه‌لاتان نه‌كریه‌ هه‌رده‌م بۆ هه‌میان دیاربوویه‌ كو نیازێن وێ‌ دپاكن د سیاسه‌تا راسته‌قینا یا خوه‌ دا، ئێدی ئه‌و فۆبیا یا ترسا گه‌له‌ك وه‌لاتان ژ هه‌رێمێ‌ نه‌ما و ته‌نگێن وان سست بوون پشتی وان داخۆیانیێن نێچیرڤان بارزانی و نیازپاكیا گۆتارێن وی یێن به‌رده‌وام كو چو ره‌وش نه‌مان خافل نه‌كرین و به‌رسڤا خۆ بۆ هه‌می وان بۆیه‌ران هه‌بوویه‌ و ب سنگه‌كێ‌ به‌رفره‌ه و ب هێز و بێ منه‌ت و حیكمه‌ت و زانابوون، له‌ورا ژی جه‌نابێ‌ وی پشتراسته‌ و هه‌ر مه‌ دلنیا دكه‌ت كو رۆژێن بهێنه‌ ئاینده‌كێ‌ گه‌ش ل پێشیا مه‌یه‌.