٭بزووتنەوەی ڕزگاریخوازی گەلی ئێمە وەک هەر بزووتنەوەیەکی دیکەی دونیا بێ کەموکوڕی نیەو لەناواخنیدا ئیشکالیەتی هەیەو ڕۆژگاری خۆشی هەڵەی کوشندەی کردوە لێ ئەوەی بزووتنەوەی شۆڕشگێڕی نەتەوەیی ئێمە جودادەکاتەوە لەهی گشت گەلانی دونیا ئەوەیە کە گەلانی دونیا لەسەر هەرچی جاکۆک بوون لەسەر پرسە سەرەکیەکەی خۆیان تەبابوون و هۆکاری بە ئامانج گەشتنی ئەوان بەمەبەست و بەئەنجام نەگشتنی ئێمەش هەرئەم خاڵەیە

٭دوو دەردی کوشنده کە بەرۆکی قەزیەیەی نەتەوەیی ئێمەی گرتوو نەیهێشت لەچرکەساتی خۆیدا بە ئامانجەکانمان بگەین کێشەی(ئینشیقاق)و دوولەتکردنی ماڵی شۆڕش و پشتکردنە قەزیەیەی نەتەوەکەمان و وون بەداردەستی دوژمنانە کە ئەمە وەک بەڵاو شێرپەنجە چون بە ڕیشکی خواست و خەونە نەتوایەکانماندا

٭دوای ئەو هەڵبەزو دابەزەی گۆڕەپانی سیاسی ئێمە کە لاپەڕەکانی مێژوویان پێپڕکرد لەخیانەت و هەڵەو کەموکوڕی لەسەردەمی حکومڕانی و شارستانیەتیشدا نەیانتوانی نمونەیەکی جوان پێشکەش بکەن و جارێکی دیکە ماڵوێرانیان کردینەوە،ئەم بێ ئامانجی و بێ پرەنسیپیە گەشتە ئاستێک لەم زۆنەی کەلەمێژە کراوە بە سەرچاوەی نەخۆشی بۆ دۆزی گەلەکەمان هەر ڕۆژەو لێکهەڵوەشاندنەوەو جیابونەوەیەکی تێدا دەبینین، کە ئەمانەش لەسەر هەمان ڕیتم و ڕێگە بەردەوامن و هەرچی ناوی مۆراڵە لە سیاسەتیان داڕنی

٭تازەترینی ئەو ڕەوتە سیاسیەی کە لەم زۆنە بەزۆڵی ترەکی و لەیەکەم هەنگاوەوە بە جاشایەتی و دژایەتی گەلەکەمان دەستیان پێکرد تەمەنیان درێژەی نەکێشاو هەرزوو لێکترازان و باڵباڵێن و باندبازی تێدا دروستبوەو ئەوڕۆ لەبەرچاوی دونیا خۆیان شەرحی حاڵی خۆیان بۆ هەموان کرد

٭ئەم ڕەوتە بزنس و بێ ئامانجەی کە پەمپی بێگانەو دوژمنان فویان لەقاوغی خۆیان کردوە هیچ ئایندەیەکیان نابێت چونکە نەک ئامانجیان نیە بەڵکو لەئەسڵدا دەیانەوێت سیاسەت بۆ بەرژەوندی کەسی و گیرفانیان بەکاربێنن و هیچی دیکە وەلێ ئەفسوس بەشێک لەگەلی ئێمە زۆرجاران دوای ئەم ڕەوە گڕوفڕانەدەکەون و هەمان هەڵە چەندبارە دەکەنەوە

٭کەواتە زۆر گرنگە هاونیشتیمانی بەچاوی کراوەوە دوای ڕەوت و هێزو حیزبی سیاسی بکەوێت و ئامانج و قەزیەیان بخوێنێتەوە تاچیتر بزنس و خەڵکی قۆڵبڕو گیرفانبڕو بێ مۆڕاڵ کایەو مەیدانی سیاسەت بێ ئەزرش نەکەن