نێچیرڤان بارزانی کو ب ئەندازیارێ ئاڤەدانیێ دهێتە بناڤکرن زێدەباری کو دیپلۆماتکارەکی سەرکەفتی یە ژ دەستپێکا کو بووی سەرۆک وەزیران ئێکسەر دەست ب خورتکرنا پەیوەندیێن دیبلۆماسی کر ل گەل وەلاتێن جیهانێ زێدەباری دەست پێکرن ب ئاڤەدانیەکا پێشکەفتی ل کوردستانێ .

نێچیرڤان بارزانی هەر ژ وی دەمێ دزانی کو دێ رۆژەک هێت و کوردستان کەڤیتە بەر تاقیکرنەکا مەزن دا ، هەر ل وی دەمی دەست ب خورتکرنا پەیوەندیێن دیبلوماسی کر ل گەل گەورە ولاتێن جیهانێ و بەرێ بناغەیا پەیوەندیەکا موکوم دانا ل گەل هەر ولاتەکی کو دزانی دێ رۆژەک هێت و کوردستان پێدڤی پێ هەبیت .
دەولەتمەدار هەر ب ڤێ چەندێ رازی نەبوو بەلکو هزرا ڤەکرنا دەرچەیەکا ئارام و تەنا و مفا بەخش کر بۆ کوردستانێ ، ئێکسەر دەست ب چارەسەرکرنا کێشەیان کر ل گەل تورکیا و دەست ب دروستکرنا پەیوەندیەکا موکوم کڕ ، هەروەها ئەڤ پەیوەندیە ب دەرفەت زانی بۆ دەستپێکرنا پەیوەندیەکا ب هێزا بازرگانی داکو تورکیا ب ئینانا هژمارەکا زۆرا کۆمپانیێن بازرگانی بۆ هەرێمێ هەروەها کێشانا بۆریێن نەفتێ ژ کوردستان بۆ بەندەرێ جیهان داکو تورکیا چ جارا دەستا ژ کوردستان بەرنەدەت .
کوردستان ئەڤرۆکە کەفتیە بەر تاقیکرنەکا مەزن داکو دۆست و دوژمنێن خۆ ناس بکەت . لەوا ئەم دبینن هەمان ئەو کەسێن بەری نۆکە دوژمنێن سەرسەختێن مللەتێ کورد بووینە هەڤپەیمان و دۆست ل گەل کوردان ، و تایبەت پشتی ئەنجامدانا ریفراندۆمێ و کاودانێن ۱٦ــی ئۆکتۆبەری و دەست درێژیێن حەشدا شیعی و پاسدارێن ئیرانێ و تێکدانا رەوشا هەرێمێ و هەول دان بۆ خەندقاندنا هەرێما کوردستانێ ، لێ ئەو پەیوەندیا دەلەوتمەدار ل گەل تورکیا دروستکری کو ب هیچ شێوەیەکی تورکیا نەشیت پاشگەزببیت ئەڤ قۆناغە هەموو دەربازکرن ، و د هەمان دەم دا پەیوەندیێن موکوم ل گەل ئەوروپا ب تایبەت فەرەنسا و ئەلمانیا هەموو ئەو سزایێن عیراقێ داناین سەر کوردستانێ شکاندن .
هەروەها ب سیاسەتا جەنابێ دەولەتمەدار و ل ژێر راسپاردەیێن راستەوخۆ یێن جەنابێ سەرۆک بارزانی بەرە بەرە قەیرانا دارایی ب دوماهیک دهێت و دیسان بارێ دارای یێ هەرێمی وەکو جاران لێ دهێت و ئێدی کوردستان دیسان گەش دبیت ، هێڤیدارین ل ماوێ چار سالێن بۆری جەنابێ دەولەتمەدار بشێت خزمەتا خەلکێ کوردستانێ بکەت ل دویڤ ئاستێ پێدڤی و پێگەهێ کوردستانێ بهێزتر بکەت .